行山遇到三條女（少甜）: 生活篇1

洗完之後就掛起左，好采無人發現。

然後就睇下電話既信息，就發現佢哋尋日仲傾左好多，途中芷晴不停咁問我係邊。

芷晴私信:
「返到屋企？」
「點解唔覆既？」
「冲緊涼？」
「瞓左？」



睇黎芷晴真係好關心我，然後我就覆左句「尋日好攰，好早瞓左。」

深田私信:
「hello,靚仔」

雖然佢好正又夠淫，但係真係唔鐘意咁進取，同埋睇得出阿傑mark實左，所以我都費事理佢。

其後，我就同Irene講左句「hi」

佢都好快同我say 左hi,然後互相了解左不少，原來佢同我一樣歲數，無男朋友，希望我有機會啦。



然後我揀左日阿傑同阿豪都有野做既日子，約左佢出街。佢都應該知道我做咩。不過都應承左。二人世界，有機O:-)。

然後我就繼續係屋企頹廢打LOL，得閑就溫下仲有成兩個星期既旅款。

咕~咕~咕，休閒既時間真係過得特別快，話咁快就到左中午。打開雪櫃先發覺無餸，媽咪就話「街市餸貴呀，你自己落街買啦」

我心諗「囗罩仲貴啦」不過梗係唔會咁講啦，聽媽媽的話嘛。咁就乖乖地落街啦。

無錢就梗係平靚正黃店大快活啦。經過M記時候，就見到芷晴好似要準備入去M記。



然後，我就衝過去拍一拍芷晴膊頭「喂，芷晴」

「浩然?_?」

「你做港豬呀，俾人屌架，同我去食大快活啦」

「真係無錢呀嘛:-(，我都唔想」

「唔緊要啦，你俾28蚊，我再幫你貼啦:)」

「好啦#:)#fs」

然後，我地就入左間大快活。