行山遇到三條女（少甜）: 旺角篇1

落到樓下就見到芷晴。

我就問佢「你諗住去旺角邊到買呀」

芷晴話「無呀，都係去美之睇下，啲衫夠平呀嘛。」

然後我地搭紅van出到旺角，芷晴不停捉住我同我講野，東講下西講下，見到佢咁開心，我都好開心呀。

話咁快就到左美之，芷晴講「老闆娘你好呀，我又黎啦。」



老闆娘「芷晴，係你呀，啲新貨黎左再打個8折俾你呀」「隔離依個你男朋友？」

芷晴突然望一望我，然後答「唔係呀，朋友黎咋嘛。」

因為芷晴同老闆娘熟既關係，所以有得用休息室換衫，正常唔得架[flowerface]，然後芷晴就換左好多款式既衫，有工裝，有韓風，有英倫風。

佢次次出黎都有問我靚唔靚，我次次都話靚，佢就講略帶歡笑咁講「都唔知真定假既。」

但係唔係講笑，芷晴靚女又高，真係咩衫都carry到。



好快佢就結帳，但係淨係得兩件衫同一條裙。所以我就問佢「買咁少？」

佢就話「好多喇，打左八折都乘60蚊啦，兩餐飯呀。」

我講「咁又係。你咁知慳識儉，邊個娶到你真係發達啦。」

佢講「係咪呀」

然後，我地就走出左美之。



我講「難得出到黎旺角，梗係食下野先啦，好無呀？」

佢就點頭贊成。

我地就一路行，見到係黃店就食下，我地就一人俾一次錢，當然我梗係揀啲小錢既佢俾啦。我地就好似情侶咁你一啖我一啖，每次食完佢都傻傻地睇著我滿足咁笑。

食下食下就好快入黑啦。

我講「嘩，食到好飽呀，唔使食夜晚黑啦。」

芷晴講「係呀，都差唔多要走。」

然後，我地就緩緩咁行過去巴士站，諗住返歸。

點知突然，背後傳來大叫聲「 靚仔企係到」