行山遇到三條女（少甜）: 考試衝刺篇3

出到去，就見到Irene繼續瞓下梳，瞓到囗開開咁。完全無顧到自己形象，不過真係女神做咩都係靚既，依句真。

流出黎既囗水令佢既嘴唇充滿光澤，有啲囗水仲滴落左梳化到。真係好可愛呀，成個細路女咁。

電話又再響起叮一聲，我睇一睇。

芷晴:「bb，你溫完未呀，我放左工啦。」

我就覆:「就啦」



然後又拿拿聲入廚房煮啲野俾Irene，依到啲野食好多都係高級食材，搞到我都鐘意左煮飯添。

我大手一揮又煮左個七成熟牛排同芝士卡邦尼意粉配蜆。

第一次煮西餐，賣相都唔錯，希望Irene鐘意啦。我出於私心，就公器私用用盒裝左小小俾芷晴都食下。

然後，我就攞左出黎，叫「Irene起身食野啦」

Irene緩緩起身「吓...又有野食啦」佢忽然好似feel到自己臉上既囗水，又望下沙發既。即刻有啲怕羞同不知所措。



我見到咁，我就輕輕一笑。

Irene聽到之後，就講「喂呀，唔準望呀」然後就好快咁攞紙巾抹左抹自己塊臉同沙發。

抹完之後就坐低左，「嘩，今日係西餐呀」佢緩緩咁卷起左一卷意粉放左入囗中，「啲意粉好好食呀」露出滿足既笑容咁講。

然後，又食左啖牛排，「啲牛排就差左啲，有啲柴，就黎well done啦。」佢好似啲食評家咁講。

都唔知係咪依幾日吊高左佢品味，咁揀飲擇食都有，然後我就玩下佢「小浩子收到，小浩子下次再改進，但娘娘咁食法小心身子發褔呀。」上半段佢聽得好開心，但聽埋後半段就即刻嬲到想過黎打我「你就發褔呀，人黎呀，我要斬佢首呀」



我見到就梗係跑啦，大家玩左一陣就又坐番低停戰，我就問佢「係喎，都未問你旅款去邊到考呀」

Irene講「我係培敦考呀，你呢」

我就有啲愕然「真係緣份，我都係培敦考。不過又係既，旅款咁少考場，都正常既。」

Irene跟住就話「咁不如我地一齊去啦」

我就話「好呀，到時7:00彩虹等呀」佢話「好呀」

我講「食完啦，我都要走啦拜拜」「拜拜」