行山遇到三條女（少甜）: 坪洲篇3

玩下玩下原來已經成八點半，成個坪洲已經換上黑幕，但只係有啲稀疏既燈柱，微弱既燈光，同埋無人既街道，真係一個自然生成既鬼屋咁。

行行下，佢哋就要同我地分道揚鏢啦。朝早既世外桃源，估唔到夜晚黑會係咁。

深田就問我「浩然，你驚唔驚呀」雖然我真係有少少驚，但係男人怯就輸成世。

所以我就故作鎮定咁同佢講「唔驚呀，你驚呀，有我係度唔使驚喎。」

Irene就應該好驚下，緩緩咁拖住左我隻手，仲要流左唔少既手汗，不過好彩深田係我左手邊，同埋 昏暗既夜色，深田先睇唔到。



因為深田係隔離，所以我都唔可以講咩俾安慰佢，所以就緊握住佢隻手，希望可以令佢無咁驚。

無幾耐，我地就到左間劇院，個戲院有住殘舊既外牆同大閘，大閘仲有張紙寫住光榮結業。

我見到就講「佢閂咗喎，入唔到，我地走啦。」

深田就講「真係唔識架喎你」然後，爬兩爬就爬左入去。

我為左保持形象，就都爬左入去，同埋伸左隻手俾Irene爬上黎。



入到去之後，就去到戲院門口，又發覺棟門被鎖住左。

我問「鎖住左點入呀」

然後，深田就去左旁邊，搵左陣，就大叫「過黎啦，依度有個窗爛左可以入去呀」

過到去，深田已經入左去。我同Irene就慢慢跟上。但係深田真係顛架，又多塵又污糟又恐怖，佢都敢入去@_@。

入到去，就見到係啲好舊時既劇院，四圍都被黑布封住左，任何既光線都無，搞到成個環境都好陰深恐怖。



但係就見唔到深田既身影，我就係度搵。

無端端，有人勁大聲咁「喂」左聲，搞到我好大聲咁嗌左聲「呀」

我平復返，再望一望先發現係深田，「嚇死人咩」。

深田就不屑咁講「又話唔驚，渣嘅，開電話燈啦。」

然後，我就開着左電話燈，再偷偷咁捉住Irene隻手。「行啦」

其實個戲院都唔係好大，一眼睇哂，有一排排既櫈，同一個殘舊既舞台。「一眼睇哂啦，走未呀」

深田就話「仲有橦門呀，應該係儲物室呀，去睇下先啦。」然後，就一枝箭咁衝左上去。

而我就襯依個時間細細聲安撫左下Irene「點呀Irene，你仲o唔ok呀」然後錫左下佢，俾左啲愛的鼓勵佢。



Irene就講「我無事呀，繼續行啦」

我就拖住Irene再慢慢跟上，但入到去之後就已經唔見左深田啦，換之而見到既係一啲戲服同表演道具。「深田，深田，你係邊呀」但係就得唔到回應。

忽然，就係附近傳黎一啲好輕力既腳步聲，一步又一步咁行緊。

Irene聽到之後就成個人好似樹懶咁抱左上黎我到，令到我食左唔少波餅。

我聽到都有少少驚，但諗下應該係深田想嚇我地，所以我就安慰佢講「可能係深田呢，唔好嚇自己。」Irene聽到就落返黎。

然後，我就同Irene跑返出去，但係一直都見唔到深田既身影。

直到，我地出返戲院外面先見到深田，我就講「你頭先係入面啲腳步聲嚇死我啦」



深田就有啲疑惑既眼神望住我講「我好早就出左黎囉喎，你邊到聽到腳步聲呀」

屌，唔係真事呀，咁頭先既係。。。。

我就為左唔好嚇到佢哋就講「可能我聽錯啦，走啦。」