行山遇到三條女（少甜）: 人格問題篇5

我就擰轉頭望一望，又係可嵐「點呀，你又想做咩呀」

可嵐就邪邪咁笑一笑「無呀，上你屋企囉」

我:「又上我屋企？你當我屋企賓館呀。」

佢就扮可憐咁講「嗚…我無人理架啦嗚…可嵐想殺我...你都唔理我嗚…」

我最怕就係女仔咁樣架啦「真係怕左你呀，上黎啦」



佢就即刻變返好開心咁講「多謝浩然哥哥」

真係呀，無佢乎呀，不過不得不說人地叫我哥哥種感覺真係好正，好似玩緊cosplay哥哥妹妹咁。我感覺到我隻耳仔都紅紅地。

今日早左返，所以透過窗口就見到屋企有光，應該係媽咪仲未瞓。

我:「我媽咪未瞓呀，點呀。」

可嵐:「入去囉，點呀。」之後就搶左我條鑰匙開左門。



可嵐:「Auntie你好呀，我叫可嵐呀」

媽咪:「佢係？」

我都未講，可嵐就搶住講「我係浩然同事呀，我無屋企返呀，所以浩然就話收留我囉。」

媽咪:「哦，原來係咁。」

然後，我媽咪又係到查下家宅，閒聊家常咁，不過都靠住可嵐既口齒伶俐，非但輕鬆應對，仲氹到我阿媽騎騎笑。



媽咪:「哈哈...，都係唔講住啦，我瞓覺先啦，記住唔好玩得太夜同太過火呀。」句野分明對住我講既[sosad]。

我:「好呀，媽咪你早啲瞓啦，我地都好快瞓啦」

可嵐:「晚安啦Auntie」

我阿媽入左間房之後，我就問可嵐「你使唔使沖下涼呀」

可嵐:「好呀，咁我沖涼先啦」我就入房攞左啲毛巾同一啲細細個著既衫褲俾佢。

可嵐:「唔該」之後佢就入左沖涼房。

都唔知點解死都要黎我屋企，不過都好，有個靚女陪下自己，同埋一陣可以又說服下佢。

真係無咩野做，我就聽住廁所既花灑聲，慢慢就諗到去花灑既形狀，廁所既景觀，可嵐既肉體，玲瓏浮凸，水珠滑過佢既身體，由頭髮去到胸部，再去到腳部，一氣呵成。



廁所既沖涼突然就停左，我估佢應該係搓緊沖涼液啦，我都停止左我既幻想，我都唔知點解我會諗埋哂啲咁既野架。

我就睇下手機靜靜咁等佢出黎。

等左陣，佢就攞住啲衣物出左黎，佢著住左我既衫褲，件衫雖然係我細個著，但係都係對佢黎講都係有少少oversized。

我望一望就見到手上係隱約咁攞住個bar，咁佢依架咪係.......。

非禮勿視。