行山遇到三條女（少甜）: 人格問題篇7

咁樣瞓法真係無咩精神，第二日都係好攰咁。已經成五點鐘啦。

我就敲一敲門「可嵐？」

佢無應到，我就扭開咗房門，入左去。

之後就見到可嵐好豪邁咁大字型瞓係床上面，件衫都微微揭起左，露出咗迷人嘅小肚臍。再上少少就露到下半球啦。

不過我都無再望啦，因為真係好眼瞓，我就瑟縮咁瞓喺角落度。



有左冷氣既加持，終於可以安眠入睡啦。

一瞓就瞓到十二點，可嵐就搖醒左我「真係要起身啦浩然。」

我就被佢搖醒左「做咩呀」

可嵐:「十二點啦，仲唔起身。」

我:「吓，十二點啦，咁我地咪都無返工。」



可嵐:「係呀，頭先叫你又唔醒，咪同老細直接請假囉。」

我:「吓，咁佢哋知道左會唔會誤會架。」

可嵐:「我同左老細講如果同其他人講既時候，唔好話我幫你請假，應該可以掛。」

我:「老細既話都得既」

我就跟住可嵐出左去廳到。枱上面有好多唔同既菜。「依啲我同Auntie一齊煮架，快啲試下啦」



我就試左一試「都好味喎」

可嵐:「係呢，啲蒜係我切架」

我:「我仲以為好多你煮添」

媽咪:「黎，靚湯到」

大家都食到好滋味，傾下計食下飯咁，媽咪就好似當佢係自己個女咁，場面都幾溫馨。

媽咪就夾下餸俾可嵐「乖，食多啲」

可嵐:「多謝Auntie」

我:「媽，咁我呢」



媽咪:「你呀，自己夾啦」

我鼓起泡腮咁望住媽咪，都幾歡樂下。

食完之後，媽咪就去左翻工，就得翻我地係屋企。