行山遇到三條女（少甜）: 人格問題篇9

我地就搭車去藍田搵阿傑，佢就住私人屋宛，都幾有錢下。

我係搭車既時候，又順便問下可嵐野「係呢，你地夜晚瞓覺既時候係點架」

可嵐:「我地人格個時鐘同人一樣都係咁瞓囉，不過就雙重瞓囉，我地係小房間到都會瞓。」

我:「哦，原來係咁，咁你咪見到可嵐囉夜晚既時候，你咪可以同佢講下野囉。」

可嵐:「係呀，不過佢想傾既時候，我就扮瞓囉，嘻嘻。」



我:「你咪應下佢囉，話唔定佢真係有啲咩苦衷呢。」

可嵐突然擰轉面無再應我，淨係望住窗外既景色，依靠係巴士度托住下巴。

我拍左佢幾下，佢都無再應我，我自打沒趣，就無再煩佢。

搭多左陣之後就到左藍田。「到站啦，真係要落車啦」佢就緩緩咁跟住我。

「18樓，21室，搵到啦」「叮噹」按下左門鈴。



阿傑:「等陣」

開門之後，就見到阿傑「好耐無見啦浩然」「係呀」

阿傑就指住可嵐問「依位係？」

我:「佢係我同事加朋友，聽日都去架」

可嵐:「你好」



阿傑就陰陰嘴笑一笑「唔講住啦，入黎先啦」

入到去，就除鞋，同可嵐坐左係梳化到。

阿傑無幾耐就攞左啲營具出黎「那，依個就四人營，點樣風吹雨打，多人運動都唔會爛既，依度就啲爐具。」

我:「係咁多啦」

阿傑:「係咁多啦，或者你唔識紮營，可以叫我黎幫你「分擔」下壓力喎」再戚一戚眉。

我笑一笑講「唔使啦，我搞得掂啦，好啦，唔阻你啦，我走先啦。」

阿傑:「好啦拜拜」

之後，我就同可嵐一齊再買下野食同生日蛋糕，仲有隻手鈪未送，希望Irene鐘意啦。但係可嵐成程都無咩出個聲，啲女人永遠都唔會知佢哋嬲咩架。



我地就返屋企樓下「你俾返啲野我攞上去啦」佢擰一擰頭。

我:「你唔係又想係我屋企瞓呀」佢又點一點頭。

我:「聽日芷晴可能真係見到架」佢又唔出聲。

我:「唉，你真係煩，跟我上黎啦」佢終於有番少少微笑跟住我。