晴。朗。: 3

整場電影我都沒有認真看罷了，就是宜晴這個大小孩看得很入神，看完了還問長問短。看完後已經日落，恰巧看見日落，宜晴望着那邊，說：“晴” 
其實我並不懂是什麼意思，不過還是沒有過問，以免尷尬嘛。

簡單吃個晚飯，我就送宜晴回家去。
“坐地鐵定巴士？” 我問
“巴士啦，可以睇風景” 她淡淡的說
“夜晚有咩風景睇” 我突破盲腸道
“直男末期” 她朝我翻了個白眼

登上巴士，終於可以安坐一下，怎料宜晴卻問長問短。


“你有無女朋友？” 她瞪著我
“無啊” 我無奈回答道
“咁就好喇” 她暗地裡甜絲絲笑了卻被我看到了
“好條毛咩，都成26歲喇，仲係A0，都唔知會唔會孤獨終老” 我竟然一口氣說出我的憂慮
“點會啊，最多我屈就啲嫁俾你咯” 她說
“咪玩啦，我點會鍾意你呢啲乜都喊一餐嘅女仔啊” 我鄙視著說
“哼，睇下點” 她鼓起腮子，一臉不服。

終於到了她家。她是自己住的，雖然單位面積小，卻五臟俱全。當中，最多的就是關於咖啡的東西。



“你都幾專業喎，睇好多咖啡專頁知識嘅書” 我道
“梗係啦，你估我係快餐店嗰啲咖啡咩” 她自豪地說
“其實差唔多” 我暗笑
“你講多次？” 她轉頭隨手拿起了一把菜刀，對著我笑，是令人不寒而慄的那種笑。
“分別就係你整嗰啲好飲好多” 我連忙讚美
“梗係啦，我嗰啲係落咗愛同心思整㗎” 她自誇地說
“愛？” 我幾乎整個人跌倒
“係啊，你諗吓整杯咖啡俾自己嘅愛人係幾咁好嘅事” 她雙眼發光似的道
“反正我對愛情無乜憧憬，但求搵個賢良淑德嘅過日子嘅就得” 我確實不太憧憬愛情。
“乜你咁㗎，不過有人同你結婚生仔先算” 她回答


“你都啱喎。夜喇，走先” 我轉身離去
“拜拜” 這是我第一次聽到她說再見。

步出她家，踏上回家的旅途。途中，我再次回想起那句話：
“反正我對愛情無乜憧憬，但求搵個賢良淑德嘅過日子嘅就得” 
是不是我過度獨立呢？還是我心智出了問題？的確，我對愛情沒有什麼憧憬，那些小確幸、霸道總裁的，我什麼也不是罷了。算了，還是好好回家睡一覺吧。

第二天，我懷着無比緊張的心情回到公司，一場血腥的審判將會降臨於我身上。不出1分鐘，終於來了。
“阿朗，入一入嚟我房” 老闆說道
我戰戰兢兢地來到了老闆的房間。
“你同我個女咩關係？” 他問
“對唔住老闆，我唔應該接近你個女嘅，我宜家就同佢切斷聯繫，不過你唔好炒我啦，話晒都喺公司打拼咗5年” 我連忙道歉，這個沈宜晴真是害人不淺。
“宜家唔係叫你問責啊，我又無話唔俾你接近我個女” 他暗笑道，我終於鬆了一口氣。
“老闆，我...講出嚟你唔好...鬧我喎” 我害怕地說
“得啦，我發誓唔會”


“其實呢，你個寶貝女揸車嗰陣追尾撞到我，跟住話無錢賠俾我，就話每日請我2杯咖啡當賠罪喎” 說起都尷尬，我連忙搔搔頭。
“哈哈哈哈哈，都估到佢㗎喇，新牌妹妹仔無撞散你架車都算係咁。不過，乜你咁驚女人㗎咩。我個女對其他男仔好高冷，唯獨係你同佢前任，你有啲機會喎” 他對著我暗笑
“恕我無禮貌，想請問佢前任係唔係傷得佢好深？因為我見佢提起前任都好sad” 我鼓起勇氣問道
“佢前任直情係仆街嚟” 老闆生氣地道

看見宜晴父親的語氣，就知道前任真的不是什麼好人。

“佢溝我個女就係貪佢天真無邪，又成日想呃蝦條，差啲上咗我個女，好彩我及時阻止” 老闆續說
“原來佢受咗咁大刺激” 我心想
“所以啊，阿朗你要好好睇住我個女啊” 老闆說
“吓？” 我不解
“逢星期五，你就返半日啦，下午去咖啡店睇住我個女” 老闆認真地說
“咁唔係幾好喎” 我認真地說
“你係唔係想俾人炒吖”



保工作為上策，豁出去吧！

“好嘅老闆” 還是屈服於老闆身上

雖然不用工作半天，但是卻要見到沈宜晴這個麻煩的問題女生，真是寧願工作。