「咁,你依家仲鍾唔鍾意我?」我都估唔到原來有人會鍾意自己,自從俾樂兒拒絕後,我就覺得自己好毒撚,最忌有咩自信。
 
點知仲要俾以前嘅女神鍾意過,有點喜出望外。
 
我都唔理係咪會尷尬,有時真係要咩都唔理,又有機會行出嗰一步。
 
Cherry低頭,我睇唔清佢係怕醜定咩⋯⋯
 
「依家我都好亂,你覺得你鍾意嗰個女仔係個唔屬於你嘅玩具,但我依家係人哋玩具。」
 


「終有一日,你都會對我有嗰一種想法。」
 
「又或者,喺依家呢個社會,根本唔適合一齊掛?」Cherry其實都有好多面,我啱啱發現。
 
佢有淫亂嘅一面、有感性嘅一面、有理智、睇通睇透嘅一面。
 
因為佢所講嘅嘢,我無一樣反駁得到或者接得上話。
 
「咁我問返你啊?」Cherry掛起微笑,慢慢向前行。
 


我傻傻地跟係佢後面。
 
「你依家仲係咪鍾意緊以前嗰個女仔啊?你答到嘅話,我咪答你囉。」
 
我腦海浮起樂兒可愛動人嘅臉龐。

一時之間,我都無辦法釐清我對樂兒嘅感覺,我哋由細玩到大,彼此互相了解,除咗愛情,我哋仲有額外嘅感情。
 
依家見到佢咁,隱約察覺到佢唔開心咁,我都會著緊,但似乎同Cherry嘅著緊又不一樣。
 


「變咗好似屋企人咁,但⋯⋯我認,頭先真係對你心動,除咗樂兒之外,就再無其他人有俾過我咁樣嘅感覺。」
 
「樂兒??」
 
「係咪隔離班嗰個,細細粒,幾得意嗰個?」Cherry問道。
 
「哎⋯⋯係啊。」我思索一秒再回答。
 
「佢出曬名好姣㗎喎!」Cherry有啲驚訝,從佢表情睇落,似乎係估唔到我會鍾意呢一類型。
 
「你哋男仔係咪都鍾意呢類嘅姐?」Cherry打趣地說。
 
然後佢好百厭咁嗌咗聲:「耶~好衰㗎~」
 
把聲又尖,又嬌柔造作,樂兒咁樣講,完全無問題,習慣咗嘛。但Cherry忽然咁講,除咗唔慣之外,仲有啲骨痺嘅心寒。


 
「係咪咁啊?似唔似?」
 
啊,屌你,又幾識搞笑,我俾佢搞到笑一笑。
 
「你咪玩啦,扮得好核突啊。」
 
「耶~~」佢仲嚟。
 
「你再係咁我就將你就地正法㗎!」我捉住佢,忽然靠近佢。
 
Cherry一怔,唔識反應咁。
 
「呷下醋都唔得咩⋯⋯?」
 


因為佢呢一句,佢呢一個表情,我再一次感覺到心動。

「得。」係呢個荒亂世界當中,可以搵到嗰一種甜,唔係另一種甜已經好難得。
 
「但你未答我喎。」問題又兜兜轉轉咁返嚟。
 
「你真係好鬼煩,哈哈!」
 
「對住你,好難會唔鍾意喎。」Cherry佢講到好理所當然咁。
 
「最好係!」
 
「我答咗㗎啦,唔好又話我賴皮啊!」
 
「等⋯⋯遲下⋯你真係接受我先啦!嗯⋯⋯」Cherry用力地咬咬下唇。


 
「掰啦!」
 
佢就走鬼咗。
 
我都仲未送到佢樓下,我望住佢背景跑得飛快,遠遠望去⋯⋯
 
Cherry真係好正。
 
我不禁概嘆。
 
於是我返屋企,返屋企嘅途中,又經返頭先嘅公園路。
 
「啊⋯⋯嗯嗯,好⋯正啊⋯⋯唔得啦。」
 


「我都唔得啦⋯⋯」
 
「嚟啦!叫我小娟啊!」
 
「小娟娟!我要射啦!!!!!!!!」
 
然後動作就停止咗,剩底一連串喘氣聲。
 
仆你個街,係頭先嘅毒撚同二百磅大肥婆,仲係度屌到興起咁款。
 
然後又咁啱俾我撞正呢一幕。
 
如果我送到Cherry返去,我就唔洗睇到啦大佬⋯⋯雖然扑嘢唔係未見過,但呢一幕係有啲嘔心呢。
 
我返到屋企樓下都仲記得頭先嗰幕。
 
與此同時,我收到個whatsapp。
 
係樂兒。
 
樂兒:你依家得唔得閒啊?我好想要啊