《當全世界都染上唔扑野就會死嘅怪病》: 13
我無諗過呢個世代鍾意一個人反而變得更沈重，本應狂歡嘅世界，每個人都可以享受到性愛嘅歡愉、激情。
但係當鍾意上一個人嘅時候，反倒讓你重到難以向前行一步。
好似⋯⋯
肉體越係親近，就越行得越遠咁？
令本來已經夠曬錯綜複雜嘅愛情，徒添多幾習煩惱。
我不停地反問自己⋯⋯
鍾意一個人真係咁難？
點解專一好似好難咁？
點解我由以前開始鍾意一個人就會好似抖唔到氣咁？
係我墮入思緒嘅深淵嘅時候，已經係放學時分，其他人已經走曬，連Cherry都走埋。今日嘅事好似搞到Cherry好失落咁，加上佢又仲嚟緊m，會唔開心、躁底好都正常。
我執好嘢行出班房，我仲執緊啲嘢，無啦啦有條仆街唔撚睇路撞埋嚟，我手上啲嘢俾佢執跌曬。
我一望，個仆街就係今日一齊同樂兒行出嚟嘅仆街。
「啊⋯Sorry。」個仆街草草地道個歉。
「我嚟得啦，Sorry有咩用啊？」我對呢條友無乜好感。
「啊⋯係你？」
「幫你執返啦。」條仆街咁好心？
又真係落手落腳幫我執，執完後我哋唔知點解就好順勢咁一齊行，咁放學落樓梯都係得呢條路姐。
「你好似唔太like我喎？」條友講道。
「重要咩？樂兒like你咪得囉。」咁一齊行，唔講下啲嘢又尷尬嘅。
「做咩啊？好緊張樂兒啊？」條仆街笑淫淫地道。
嗰種心理真係⋯真係⋯真係好撚唔舒服同奇怪。
因為我同呢條友有種好微妙嘅關係，就係大家都屌過樂兒，大家也是襟兄弟。
「關你撚事咩？」我無佢咁好氣，只係想加快腳步。
「喂喂喂！」我都唔明點解佢係都要跟上嚟，女就話姐，呢條係仔嚟㗎，仲要係仆街仔。
「點啊？」我已經不耐煩了，今日嘅事已經煩上加煩。
「無⋯⋯你唔洗咁燥住嘅。」條友態度一洗剛剛嘅輕挑，戴上一副認真嘅面具。
咁我見仲要同佢行一段路，就聽到廢嗡下。
「好！唔燥。你咁關心我同樂兒啲事做咩姐？」我反問返佢，想等佢難堪。
「只係我覺得樂兒好似鍾意你姐。」
我有訝異點解佢會咁講，但好快就打消呢個念頭，都咁耐有咩可能？我同佢只係SP關係。
而SP關係入面，係唔存在感情嘅，我再清楚不過。
「估唔到你咁狗公，都會咁留意鍾唔鍾意喎，乜唔係淨係有閪屌得啦咩？」我特登講嘢咁尖酸刻薄，句句帶刺。
都換唔嚟條仆街臉上嘅絲毫在乎。
「呢個世界仲理啲咩鍾唔鍾意啊，有得屌咪屌，人生最緊要係咩啊？快樂啊！」佢從容地說。
「我見到你同樂兒嘅心情，就登你哋辛苦。」
「先生，你叫咩名啊？」我突然地問。
「啊⋯我叫呀茂，啲人都叫我茂丙㗎。」
哇，我第一次覺得有人改名改得咁貼切。
「呀茂丙啊？我哋辛唔辛苦又點呢？」
「你辛辛苦苦鍾意一個人為咩先？」佢呢一句問起我，本來我都答得流利嘅，忽然俾佢問到要load一load。
為咩？
好簡單嘅一條問題。
為咗兩人嘅歡愉？為一齊生活？
腦海一閃之間有好多個諗法，但無人答案可以令我感到滿意，可以充滿自信地擊倒眼前嘅仆街仔。
「為⋯為咗一生⋯⋯一世囉。」我只能夠講出咁空泛嘅說話。
「你覺得有可能咩？」呀茂扁笑著。
「其實你不如唔好咁認真對待愛情仲好啦，見到你都覺得辛苦，越係鍾意得越深，就越抽離唔到嗰個人只係屬於你嘅定律。」
「不如睇開啲仲好啦。」一時之間我反駁唔到呀茂嘅說法，我仲處係吸收緊嘅狀態。
「唉⋯⋯我都唔知點解同你講咁多，你明就明啦。」
「睇開啲然後好似你咁狗公？」我實在唔想俾一個狗公甚至player教導返轉頭，我⋯⋯有種羞恥嘅感覺，所以下意識地想反擊，想攞返執沙。
殊不知好似戳中佢穴位咁，睥住我，突然激動起上嚟。
「做狗公，唔通個個都想做狗公咩！？你有無經歷過不停咁俾女拒絕啊？有無啊？唔好同我講：有啊！有俾女拒絕過一次啊，咁樣咋。」
「我唔係淨係一次食檸檬，我仲係次次都食啊，我淨係知咩叫酸咋，我都未撚甜過啊！」
「有啲人好好彩，唔撚洗食檸檬，一拍就拍到；有啲人食完一次，第二次再接再厲，就得米啦；有啲人食唔到，去溝第二件都得米；而我呢？？？係無一次得啊！！！」
好彩學校都無乜人，邊行樓梯嗰陣呀茂因為頭先嗰句無心之失，就大發雷霆。
我意識到頭先自己講錯嘢，但一發不可收拾啦已經⋯⋯
「咁有啲人試過咁多次，咪唔撚揀拍拖囉，放棄，然後認命，從此不再溝女。但我唔想認命！！我想試下拍拖嘅滋味。」
「我唔係未試過認認真真去追一個人啊！我唔係未試過安份守己咁去追一個人啊，你問下出面啊！」
然後呀茂指住樓下操場。
「只係想普普通通咁拍一場拖咋！總係會有人玩弄啲對感情嘅人，甚至搵個鍾意自己嘅人都無啊！屌你老母！！」
「每一次我都認真咁對待我鍾意嘅女仔，當佢哋女神咁，又送呢樣又送嗰樣，又對佢哋好過自己，換嚟嘅係一次又一次嘅好人卡，個個都唔撚想做衰人㗎啦，但同時又度傷害緊人！」
「只係一次又一次咁提醒緊我，咁樣只係傻仔！傻仔啊！！做個狗公唔好？個個都撩下添，又唔洗心痛。我只不過係唔想做個毒撚做成世姐！」
「依家個世界變到咁，咪仲好？我都終於可以屌到以前曾經鍾意嘅女仔，我啊⋯⋯覺得自己咩仇都報曬啊！！」