有時真係會混淆好多嘢㗎,同其他人講又覺得我講笑咁⋯⋯
 
因為次序唔同咗,反而好似無乜憧憬咁。
 
個人覺得啦,第一次同樂兒表明心跡嘅時候就會想下一步,其實都會期待之後嘅發展,究竟一齊幾耐先會去到扑嘢呢?
 
如果⋯⋯
 
如果我同Cherry從來無扑過嘢,無呢啲關係,我相信嗰一刻係會覺得佢好靚好得意,想錫落去。
 


「你做咩好似有心事咁嘅?同我一齊唔開心?」Cherry仲定睛咁望住我。
 
我嚇到即刻話:「點會啊?我只係有啲擔心之後姐。」
 
「啊!」Cherry諗到啲咩咁,驚叫一聲。
 
「你要應承我一樣嘢先啊!」
 
「咩啊?」
 


「就係唔準去搵樂兒啊!」Cherry果然對呢件事耿耿於懷,但又啱嘅,因為今日嘅事佢都唔開心咗咁耐,如果佢咁都忍得我反而會懷疑Cherry係咪真心。
 
「好啊!」我爽快地應承佢,樂兒一早已經成為過去式。
 
「Yeah!!」Cherry好開心咁係我臉上印下一個吻。
 
然後就咁散咗,Cherry返咗屋企,臨走前佢話聽日想出去拍拖,體驗一下拍拖嘅滋味。
 
見到Cherry一齊咗好開心,好似好期待呢場愛情咁,但相反我自己⋯⋯
 


就無佢咁期待,所有嘢都好反常咁,亂曬套。
 
第二日我哋去啲拍拖聖地,嚟嚟去去都係旺角、尖沙咀又或者銅鑼灣㗎啦。
 
我哋就出拍拖,打算行街睇戲食飯咁啦,普通情侶會做嘅嘢。

本來甜蜜嘅行程,一出到去就覺得唔舒服。
 
覺得唔舒服唔係因為Cherry點點點,而係街上嘅行人⋯⋯
 
係會有情侶,即使屬於少數,但佢哋行緊街嘅時候,已經可以去到用誇張嚟形容。
 
雖然誇張嘅事已經不能盡錄,但睇到都係會有感覺⋯⋯
 
正如暴力嘅事,唔通因為見得多嗰啲就唔再係暴力咩?


 
我見到有對情侶,行行下,拖住手,有講有笑咁,然後就揸起條女個波,左邊揸下,右邊揸下咁,旁若無人咁。
 
揸揸下伸埋手入面揸添,一邊行一邊揸,係我同Cherry面前擦身而過。
 
我同Cherry都同時見到呢一幕,Cherry塊臉紅卜卜咁,有啲羞羞嘅感覺。
 
睇嚟同我嘅想法一樣。
 
你可以上前試下同佢講:「喂!你哋咁做唔係咁好喎,成何體統啊?」
 
絕大部份人都會屌鳩返你轉頭:「你望前嗰度!扑緊嘢啊!你唔去屌鳩佢哋?」
 
所以口水都慳返,唔洗講。
 


呢啲行為唔再俾道德綑綁住,可以浮曬上枱都無問題,因為一個病而延伸出更加多嘅問題。
 
而且都啱嘅,街上面都好多人扑嘢啦,你仲會理人哋拍下拖揸下波?再嘈係你面前屌你條女添啊!
 
咁當然,街上面正常嘅人都多,一樣多人,但總會有幾個又或者一群人係度做緊啲淫嘢。
 
去到餐廳,都係食啲平民嘢,窮撚都無咁多錢食好西,但同Cherry出街,亦難免受到好多注目禮,我真係好驚其他人會隨時衝上嚟扑Cherry。
 
依家法律保障到啲咩?呢一年我都未聽過有咩強姦罪。咁無咗強姦罪,係咪姐係無咗強姦罪?唔係,一樣都有,只係無用咁解姐。
 
「哇!條女好正喎。」
 
「唔知今日扑咗嘢未呢?」
 
「希望佢呢幾日未扑,一陣病發有得扑啦!」


 
「咪玩啦,佢隔離咪佢條仔囉,有仔點會唔扑嘢啊?」
 
隔離班男人不停地對Cherry議論紛紛,而且唔係細細聲講,而係好撚大聲,好高調咁討論。
 
彷彿佢哋唔係傾緊啲咩,而係宣言咁。

嗰餐飯,我食都食得唔安落。
 
「哇!隔離又多條正菜。」班仔好似餓狗咁,唔講以為幾年無扑過嘢咁,即使大家都係男仔,我都一樣唔理解佢哋嘅行為。
 
又係嘅,試問一個毒撚又點會明白狗公嘅心態先得㗎?
 
「喂喂喂!聽講隔離餐廳有個靚女發病喎。」想必佢哋係度上緊某登討論區吧?上面一日都唔知幾多呢啲post。
 


唔好以為唔會咁好彩發生係我身上嘅,但其實你周圍都一定有發生過,唔理係咪識嘅都好。
 
然後佢哋就跟住埋咗單,走咗。
 
諗起個女仔都覺得佢好慘,俾人知道之後狂傳等其他人嚟屌自己⋯⋯
 
然後我再望住Cherry係度揀緊食咩,好似唔知發生緊咩事咁。
 
望住佢,我個心就好似凍咗咁,好驚Cherry終有一日都會咁,會係街上病發,然後其他男仔一呼百應咁過嚟屌佢。
 
真係好自私,明明自己只係鳩痕,又唔係要幫有需要嘅人,佢哋只係為咗滿足自己嘅一已私慾。
 
亦都唔會理有無感情,污唔污糟,只要係靚女就想去屌。
 
你話佢哋無人性咩?
 
NO。
 
這 就 是 人 性 。

食完飯,經過隔離餐廳,入面傳來淫叫聲,而且仲幾大聲,我瞄到入面嘅情況,真係唔知幾多男vs三女。
 
我都唔知啲商家點做生意,可能老細都玩埋一份啦?
 
我只係想帶Cherry離開呢啲地方,望咗一陣,Cherry就用力握住我隻手,我都明白佢嘅意思,便速速離開。
 
行街睇戲呢啲嘢係食完飯之後就無心機去做,我哋落到樓下,彼此望一望,好似想問之後去邊,但又好似有共識咁。
 
「返屋企?」最後都係我忍唔住開口。
 
「好啊!!!」Cherry好興奮咁講,我相信佢一定係覺得頭先我哋原來諗嘅嘢係一樣,先會咁興奮。
 
有時默契就係無意間形成,只需一個眼神,就能夠確認好多嘢。
 
今日嘅拍拖會咁樣收場,同我預想嘅有啲唔同⋯⋯
 
我會諗另一個平行時空⋯可能我未必會同到Cherry一齊,佢女神開,追佢嘅人排到去上水等過關添。
 
甚至只要佢用小小心計,就可以將男性玩弄係手掌之中,拎盡唔少著數。
 
我可能只係會淪為佢嘅其中一隻兵仔。
 
就算一齊到,我都要費盡心思去安排呢次約會,盡可能安排啲浪漫情節,食高級啲嘅餐廳,然後仲要花費唔少錢,先有機會最後拖到女神手仔。
 
仲要幫佢影張靚靚嘅嘢食相,caption就打:#好彩有你伴在左右,再唔係就將呢句譯做英文,營造高尚嘅風格。
 
可能係我諗到Cherry好港女,但佢真係有咁嘅資格同能力⋯⋯
 
只不過,依家我哋咁樣相處,反而好舒服,好自然。
 
去到佢屋企樓下,我再問多次:「真係上去你度?」
 
「係啊!我屋企人都唔係度。」
 
「定你唔想?」Cherry反問。
 
「唔係啊,傻啦。」
 
我頭先幻想,如果個世界又突然回復返以前嘅景況,我同Cherry嘅關係會再一次改變嗎?
 
佢做返女神,唔再好似依家會諗自己諗得咁自卑,我同Cherry嘅距離唔係好似依家咁親近。
 
我哋嘅感情係咪會一下子就打碎?

上到Cherry屋企,佢屋企唔算大,但裝潢得幾好,住得幾有質感同埋舒服。
 
一入到去就入咗佢間房,我哋兩個坐係床邊,靜默嘅空氣係我哋身邊縈繞。
 
其實我知大家都諗緊同一樣嘢,但就係唔知點解去到呢個moment會尷尬,唔知點好,坐咗係度。
 
即使之前都有過經驗,但都唔代表每次都可以話嚟就嚟,有啲場合、環境係需要營造氣氛。
 
而我係呢方面真係經驗缺乏。
 
我依家就好似啲日本AV入面嘅毒男,等緊個女優主動行第一步。
 
「你間房幾靚喎⋯⋯」
 
尷尬死。
 
Cherry好似睇唔過眼咁,然後語氣有點強硬,命令我:「錫我啊。」
 
我有點錯愕,同埋依家全身都僵硬緊,俾Cherry發覺到我有啲唔自然,放鬆唔到咁。
 
「唔洗緊張喎,我哋都無咩做過曬啦。」Cherry一步一步向我進發,已經近到係我耳邊啦。
 
我反而更加緊張,成個處男咁。
 
「我只係想要場真正嘅性愛,同自己鍾意嘅人做愛,會係咩感覺,我從來都未試過⋯⋯」
 
Cherry眼神透出渴望,我不禁反省點解自己唔似返個男人,要俾Cherry去做主動。
 
下一秒就係我攞返個主動權,多謝Cherry開咗個靚頭,化解一場尷尬。
 
我已經錫上去。
 
我個腦諗嘅都係同Cherry一場,想要真正嘅性,大家互相鍾意,並唔係只有野獸般嘅啪啪啪,追求力度、速度、激情,似係發洩本能嘅性慾咁。
 
我同Cherry就連一個吻,都係輕柔而不求進度。
 
我⋯⋯只係想享受此刻嘅氣氛,去到一個位大家都想要嘅時候,就會好自然會有下一步。