[愛情少甜故]他都一走了之-我和她的故事: 在天橋上的相遇

「 喂喂，做乜嘢成個人定喺度呀?」她的聲線喚醒了呆滯的我，使我仍在凝視她面孔的眼睛回過神來。

看來剛剛看得太入迷了呢～


「冇事...冇事...」我先唔會將我啱啱望佢嘅事如實告知呢!


我企起身，想攞返我支筆...



點知我撲了個空...


「 攞唔到攞唔到!哈哈!」她抽走了放在我面前的筆，然後一邊揮動著，一邊像個小孩一樣大笑著。

真幼稚呀...


「唔玩啦，畀返你啦!」佢把玩了一會，又再一次把筆遞上。



我接過筆，這次她沒有再縮開了。



「算妳了。」雖然受到她的玩弄，但卻不覺得生氣。


為甚麼呢？





「係啦!爭啲唔記得咗添」她從口袋中掏出了不知名的東西。


「咩嚟㗎?」我定睛一看，原來係一包熊仔糖。


「嗱，你就當呢個係啱啱借筆畀我嘅回報啦!」說完她便把熊仔糖放到了我的手裏。


「多謝喎!」講完我把熊仔糖收回背包內。


「 唔使客氣，食唔曬，我仲有好多㗎!」之後佢從個袋入面又攞咗幾包熊仔糖出嚟。




看來她真的很喜歡吃呢....



「 你好似冇啱啱起補習社咁失魂啦! 咁咪好囉!」她指著我的臉說。



好像是吧，不知不覺中變得開心了...



「啱啱我見你突然一支箭咁樣起補習社跑走，以為你有咩事，於是有啲唔放心，就出去搵你，之後發現你企喺呢個天橋嗰度，一臉憂鬱咁樣望住出面啲風景...」她的神情突然變得擔憂。




「我仲以為你想做乜嘢傻事呀!!!」佢有啲激動咁樣講。


妳好像想太多了吧...





「傻妹，只係做唔完試卷啫，使唔使咁樣呀!」我嘆了一口氣


「不過...」




「真係多謝妳關心我!」我突然望著她說。




街道開始變得疏落，各種燈光正被漸漸開啟，爭相照亮著這裏...


行人開始慢慢消散，把這裏的熱鬧變為寂靜。




在月光的映襯下，我們對望著，然後不約而同地笑了。




「詠霖，我以後可唔可以咁樣叫你呀?」


「嗯，當然可以。」她點一點頭。




呂詠霖，真係一個好好聽嘅名...



片刻之後，我們各自道別


「拜拜!」講完佢就向我嘅相反方向行走咗....


望著她離開的背影，我好似找到一種似曾相識嘅感覺....



不知為何，很期待能與她再見面!