其實世界很溫柔: 解釋

葉紀風問：「你想由邊度講起？巴別塔、今朝地鐵站嗰單嘢。」
余駿軒思索一會，説：「地鐵站先吧⋯」

葉紀風有點遲疑，他說：「我用咗技能操控你行去地鐵站跳軌。但係我中途後悔，我唔想失去你呢個朋友，我過唔到自己個關。所以我即刻解除技能。我停極都停唔到你跳軌。我當時好驚你真係會比我殺死⋯之後，我就定位唔到你。我真係認為你已經死咗⋯」

余駿軒：「所以今朝發生係真嘅？」

葉紀風：「係。宜家見到你冇事，我估你比其他巴別塔的玩家救走了。」

余駿軒：「咁你同邊個做咗交易要殺我？為咩？」





葉紀風：「我唔可以同你講，但係我發誓我會解決咗件事。我之後都會保護你。如果唔係，我爛春袋！」

余駿軒：「⋯我信你，但係唔可以一齊解決咩？」

葉紀風：「我唔想拉埋你落水。」

余駿軒：「安全嗎？」

葉紀風：「係要付啲代價姐，無事嘅。」





手機鈴聲響起，是Vanessa的來電。

葉紀風面色凝重地説：「我戀情告急，聽日再同你傾。」

余駿軒：「點解你有電話？」

葉紀風快速地説：「你攤大手板，然後默念電話。離開呢度，就幻想藍色火焰。」轉眼間，葉紀風全身散發青焰，消失殆盡。

余駿軒淡定地吃着羊肉串，欣賞着這裏的夜空。極美的星空，沒有一朵浮雲擺動。深藍的空中，滿綴著鑽石般的繁星。一道道流星從天空垂直下墜，劃破了黑夜。場面非常震撼，但這裏的人好像見怪不怪。余駿軒突然想起⋯葉紀風沒有付錢。今次67啦。





余駿軒雙手握緊盛載羊肉串的盤子，心中默想藍色火焰。漸漸他全身冒起青焰，侍應高呼：「比錢啊！」

他臉帶微笑，向侍應説：「下次呀。」