其實世界很溫柔: 放學

Summy沮喪地念：「比我鍾意的人好幸福？我都希望係。」

余駿軒很疑惑説：「嗰個人對你冇感覺？」

Summy：「至少宜家冇，之後都唔會有吧。」

余駿軒帶著半開玩笑的心態道：「喂大佬，你溝我呀！我好幸比你溝！你溝我，我就即刻應承你做你男朋友。」

Summy面無表情説：「認真d啦你。」





余駿軒扳著臉說：「我認真㗎。龍小姐，你覺得女仔做主動唔好，一係我溝你啦。」

Summy一臉嫌棄地說：「你講嘢真係好油膩，小心一陣冇女鍾意你。你遲啲等做大魔法師啦。」

余駿軒心中中箭。他回應說：「你先做大魔法師啊，mean精。我咁高大靚仔，點睇都唔會單身三十年。我換番件好睇d的衫，即刻溝死女！」

Summy調戲他說：「係至好喔。妹妹坐喺度睇哥哥你表演。我心靈上支持你吓～」

余駿軒崩潰地咆哮説：「我實溝到女！如果唔係，我喊俾你睇。」





Summy：「我買定紙巾等你。」

午休在他們的打鬧聲中結束。今天的時間過得很快，轉眼已經到放學的時候。鐘聲響起之前，黃sir跟同學討論下個月的動漫節。

盧心柔：「黃sir，其實你最鍾意邊個動漫角色？」

黃sir：「CC」

余駿軒：「叛逆的魯魯修嗰個？」





黃sir：「係呀。」

余駿軒：「佢好似唔著衫⋯」

余駿軒的說話擲地有聲，全班開始起哄。

龍星佑姨母笑，説：「阿sir，你鍾意呢味㗎～」

余駿軒裝作若無其事説：「唔緊要，大家接受到。」

盧心柔：「CC唔著衫都好。雷姆始終都係最正嘅！如果真愛有顏色，一定係藍色！」

黃sir略顯尷尬，他說：「心柔，估唔到你你雷姆教喎⋯大家冷靜d，CC有著衫呀！」

余駿軒勸黃sir説：「人少少，認咗佢啦。」





黃sir盯住余駿軒說：「你今晚同我做咗兩篇Bio essay！」

同學們繼續七嘴八舌地討論黃sir的新人設『二次元裸体の少女愛好者』，毫不在意黃sir説的話。最後黃sir放棄了掙扎，坐下來看手機。

盧心柔：「黃sir，你去唔去動漫節？」

黃sir：「去啊。」

盧心柔：「咁到時我睇吓撞唔撞到你！」

放學的鐘聲響起，余駿軒應聲起程回家。