其實世界很溫柔: 情侶

今日放學之後，葉紀風在學生會的房間當值。偶爾有同學進來房間，遞交文具訂購單、借雨衣及雨傘。葉紀風除了協助同學登記資料和記錄貨品訂購數量外，大部分時間是他自己一個人坐在腳輪椅上看手機。他跟余駿軒相約在遊戲見後，他的心思全放在女朋友上。

葉紀風：「b，今日落雨。你有冇帶遮出街啊？」

Vanessa：「你朝早又唔提我，宜家先至問。」

葉紀風：「你咁醒，識得照顧自己嘅。你話係唔係？(^_-)」

Vanessa：「我識照顧自己，要你嚟做乜。八。」





葉紀風：「bb，我講笑啫。你星期日行唔行街？」

Vanessa：「唔好笑囉。我星期日晏晝有補習呀，費事行啦。」

葉紀風：「好啦⋯我好掛住你。」

Vanessa：「我都係。緣山同育德係一段最遠嘅距離呢。」

葉紀風：「如果我早啲識你，一定會入緣山。」





Vanessa：「long d都幾好呀。我哋唔係成日見到面，先會掛住對方呀嘛。」

葉紀風：「但你發生咩事，我都保護唔到你。」

Vanessa:「嗱，如果我係出面發生咗d事，令我唔開心。咪俾到位為你入囉！你氹番我，我就會覺得你比到安全感我。然後我就越嚟越鍾意你。」

葉紀風：「無論點，我都唔希望你受傷。」

Vanessa：「知你錫我啦。」





葉紀風：「你對我好重要。我真係想像唔到冇咗你嘅生活⋯」

葉紀風收到一個來電。
余駿軒說：「 喂，阿風。點解我去唔到花海嘅？」

葉紀風：「你有咗技能？有技能的人，就去唔到花海。」

余駿軒：「唔肯定喎⋯⋯」

葉紀風：「咁你依家係邊？」

余駿軒：「遊戲入面，我係一間⋯房度。」

余駿軒：「我入嚟嗰道門好似鎖住咗。」





葉紀風：「你會唔會係有時空類技能？咁你應該有口令喎。你自己試吓，試唔到咪退出巴別塔先囉。」

余駿軒：「你唔考慮過嚟幫我咩？」

葉紀風：「我仲係學校，唔得閒住。」

余駿軒：「咁好啦。」

通話結束。

葉紀風：「b，我一陣有嘢做。遲啲再講。」

Vanessa：「好啦，byebye . love u」

説罷，葉紀風拿起書包，便離開學校。