其實世界很溫柔: 第五時代

葉紀風來電。余駿軒接起電話。

葉紀風著急地問：「你係唔係仲出唔到房？」

余駿軒冷靜地說：「出到⋯我未出姐。我發現道門係用電腦打開。」

葉紀風提醒説：「宜家條街有幻獸！你唔好出嚟啊。」

余駿軒：「咁你點啊？」





葉紀風：「我宜家安全。公會d人打緊。會長同副會長都係到，應該好快搞掂。」

余駿軒質疑道：「你明知條街有問題，點解唔早啲講？」

葉紀風喊：「真係第一次係咁！幻獸從來冇係安全區出現過。唔信，你一陣間問公會啲人！」

余駿軒：「出面無事，先打比我。」他掛斷電話。

#·：&/-；：「葉紀風帶咗你入嚟巴別塔。」





余駿軒：「係咁又點？」

#·：&/-；：「你信唔信全部都從一開始就決定好了？」

余駿軒：「唔信。」

#·：&/-；：「你為咗令佢離唔開你，所以主動原諒佢。令佢好有罪疚感，為咗補償你而唔離開你。」

余駿軒：「係咁又點呀？」





#·：&/-；：「葉紀風想殺你，巧合人救左你。但係係呢件事發生之前，你已經想自殺。係世界比你呢個人活下去。」

余駿軒：「其實你究竟係乜嘢，點解你知道咁多？」

#·：&/-；：「我係第四時代的意識。」

余駿軒：「點解你會存在係我嘅空間？」

#·：&/-；：「巴別塔有一套機制分配唔同時代嘅碎片比第五時代的你哋。獲得碎片嘅人會得到我哋嘅能力。而你的空間係由你的願望同碎片合成出來。」