不意外的意外: 和平使者

我，阿柏，29歲，單身，身高174嘅柒毒宅男，網名「和平使者」。
我坐咗喺一二期中間條橋度等。

見到唔少情侶經過，女嘅MK行政OL幼齒美腿…… 男嘅就金毛四眼地中海嘅都有。佢哋都有女，但係，

點解無我份呢。

喺我發呆之際，有兩條美腿喺我眼前掠過。



「喂，係咪『和平使者』ching呀？」

咦？

咦喂？

女聲嚟嘅？明明是巴打喎。

認錯人？但佢又會知我「和平使者」呢個網名？理論上呢個名只係喺論壇（已執）同麻甩佬wtsapp group 先用，之後上兩登已經改咗名 N 咁多次，無理由會有人認到我。



除非……
https://www.youtube.com/watch?v=SwqDAKN22nM
「係妳？『陽剛毒男』？」點睇都似麻甩佬名啦吓話。

「哈哈，係我呀，唔得咩？」就算隔住個口罩，都聽到佢，只有囡囡先會笑得咁好聽嘅動聽笑聲。
我抬頭望一望，見到對方口罩之外仲戴返太陽鏡cap帽著埋衛衣legging波鞋，包到冚一冚見唔到樣咁，心理上都無咁緊張……

「好好好…… 咁妳咁晏約我嚟做乜？食咗飯未。」一時間發覺對方係女都唔知講乜好，好在毒撚來來去去都係呢幾個話題，都好快調整到心態當佢女巴打看待。
「飲飽食醉啦。」我側起頭望，原來佢放喺後面對手仲拎住支啤酒。



應該係喺落士佛臺過嚟啦。

見佢腳步浮浮咁，就知佢差唔多「到訂」。
見到咁，我下意識扶一扶佢。同佢行過去二期果邊，諗住叫佢入廁所洗個面清醒吓。
行到二期，佢又停低咗無行，挨埋角落條柱度休息。
「咁不如坐低食糖水？」我再建議。咁刻意引導係有原因嘅：一嚟有個地方坐定食嘢等佢解解酒，再者邊食邊講會易啲講嘢無咁驚dead air，三嚟呢樣我自己都有少少私心：佢除低口罩食嘢嘅話，我都易啲見到佢盧山真面目嘛。
「你…… 唔係話好好奇，」突然佢拎起副太陽眼鏡，並揭開半邊口罩：「想知道點解女人對腳會發光嘅——」

「係，係妳？」我下意識向後退後咗兩步。
喺我面前嘅，居然是Peace本人。
可能係我毒撚好少出街嘅關係啦，由細到大，都無喺現實世界（喺街上）見過藝人。

但今次唔止係街上遠距離望到，而係面對面咁對話，仲要果個係知道你寫潮文唱佢嘅人。
「呃……對唔住，」响果刻我大腦已經hang晒機，但個口仲繼續無意識、不停咁道歉：「冒犯到妳唔好意思，我柴娃娃玩吓架咋唔係有意。」



我就好似犯事俾人捉到等候被發落嘅學生哥咁，講嘢全程都茸到個頭勁低，以示悔意。
到我望返上嚟，Peace已經戴返眼鏡同口罩：「吓你玩喳？等我仲特登book咗間房諗住同你慢慢研究tim……」
「研……研究？」我仲感覺到自己個身係度震緊，仲係好淆。

我唔係存心扮傻，而係眼前嘅事太不可思議，我反應唔到。

「放心啦無伏架。」Peace拍拍我膊頭，「你信得過我嘅話，一陣就俾對腳你玩一晚。」

「吓？」我怕我聽錯，唔撚係整人節目嚟架嘛？

樓上係有傳銷啫，但無聽過藝人會咁夾人上去……
就算想搵人打我一身，都唔需要親自出馬引去咁冒險吖。
喺我諗緊無數咁多個可能性嘅時候，Peace講咗句令我意想不到嘅嘢：



「識你咁多年我信得過你。」

「不過為保險計，一陣部電話俾我keep，ok？你知啦，一陣唔小心錄音或者打咗俾邊個都唔係幾好。」

我諗唔到理由拒絕，準確啲講，係「我拒絕唔到佢」。

「咦，你都有聽。」佢拎起我部手機望，部手機 Lock Screen 仲顯示緊 Dear Jane 首《別說話》。之後佢就好順手咁放落衫袋。