不意外的意外: 立約

「原本我唔應該再搵你，但我真係忍唔住。」Peace一身長髮放喺我面前，擦去我嘅眼淚。

「令你咁掛心我好難堪，我一直都知道。」Peace係咁拍我膊頭俾安慰我，「我唔知點先可以令到呢段關係可以變 fair 啲…… 或者我哋立一個約吖？」
https://www.youtube.com/watch?v=sfXGo_lCiS4
「一個約定？」我問佢。
「嗯。你繼續讚美我、祟拜我、渴求我，我就過嚟陪你。」Peace將咀唇貼近我耳邊，「我知道咁會誤咗你，可能你會越嚟越愛我，但有朝一日我可能會玩厭你、拋棄你……」
「我制呀！妳叫我即刻死喺妳面前我都制！」我就好似一個扭緊計嘅細路一樣，呢一刻我唔會在乎咩公唔公平。
「身邊啲人問我，點解唔正正經叫隻鴨，或者包起個靚仔喺屋企，甚至落夜場算。我都問自己點解要投放咁多精力去搵一個真真正正祟拜我、將我視為生命全部嘅男人，even 我唔知佢到底存唔存在。
「到我搵到一個可以對我全心全意嘅人，我又質疑自己係咪應該放咁多時間同心力喺佢身上？我點喺佢同事業之間作平衡？」


佢起身，同我喺床上平排咁坐：

「對唔住，我真係好自私，淨係諗自己。我見身邊好多人都可以將親密關係當衫咁換，見慣離合見到麻木，就快無咗自己。」

 

「好似你呢種專情種，我唔想錯過。

我想邀請你做我私人嘅性奴，但未必包含性關係，你願意嗎？」佢隨即將頸上戴住嘅十字架頸鏈交俾我。
佢好凝重咁望住我，就好似新郎拎起戒指向新娘求婚一樣慎重。


「我願意。」我好爽快咁答應。