時間轉到兩個月後,楊老師已經批改好我們的第一份功課。
「我想講你哋其中有一份做得非常好,已經有現時洛國報嘅水準。不過,首先我想問一個問題,想請問下寫老鼠呢個諗法係邊個諗嘅?」
「係方晨呀﹗」方晨的其中一個組員大叫
「大家都有功勞嘅,都要你哋一開始認同我個構思先得。」
正當我想恭喜方晨的時候,楊老師突然換了一個嚴厲的語氣。
「方晨,你知唔知你篇野好有問題?首先你知唔知個問題出係邊?」
「唔好意思呀,楊老師,我真係唔知。」
「你呢篇報導不但唔可以令到市民對國家有更深入嘅認識,亦唔可以令佢地更愛國。但係咁都算啦,你仲要指出國家嘅其中一個食堂有問題?咁啲市民唔敢去食野會點算?會餓死架﹗你呢篇野仲唔係想令到市民唔相信我哋洛國。呢樣野係我哋做新聞嘅大忌,明唔明白?」
「但係我寫嘅係事實黎喎,出左呢篇新聞咪可以督促衛生局正視呢個問題。」
「作為新聞局嘅一員,你見到呢個問題可以親自向衛生局反映,而唔係用洛國報黎反映,洛國報係想令市民對國家有更多嘅了解,從而令佢地更加愛國,明唔明白?」




「明啦,楊老師,多謝你嘅指導。」
「由於今次係第一次,所以我網開一面,比左一個合格嘅分數你哋,但下不為例。跟住落黎我就講我想讚嗰份新聞…」