《我喺連「興趣」都冇嘅極權國家生活咗廿年，直到遇見妳》: 第二十八章

「如果我依家同你講，洛國同你講嘅全部歷史都係錯嘅，啫係如果另外個三個國家並唔係好似我哋書本報紙所講咁，佢地從來都冇打過仗，你會有咩感覺？」
這是真的嗎？應該不是吧，應該只是考核的一部份。由小到大，我從來沒有思考過這個問題，不過我決定按照腦海即時浮現的想法說出來。
「就算洛國一直都係呃緊我哋普羅大眾都好，我相信領導人咁做一定有佢哋嘅原因。我相信佢哋一定係為左國家嘅發展，先迫不得已要呃我哋市民。同埋我覺得市民知唔知道事實嘅全部並唔重要，最緊要政府知道，然後做出正確決定。再者，市民知得多與小唔會影響到件事，咁不如知得愈小愈好。」
「講得好，果然就如楊老師所講嘅一樣，係一個人才。依家問你最後一條問題，如果做局長的話，就唔可以有小朋友，你願唔願意為左做局長而要絕育？」
「我願意，為國家效力係至高無上嘅光榮。」
「好，我依家會同你講一個消息，但你唔可以同人講出去，包括埋周玲同方晨，聽楊老師講你同佢兩個好熟。」
「明白﹗」
究竟局長想跟我說甚麼呢？是要請我嗎？這個想法令我心情既緊張又激動，不過他接下來對我說的話完全超乎我的想像。