《我喺連「興趣」都冇嘅極權國家生活咗廿年，直到遇見妳》: 第四十八章

每天的午餐也是有三款食物供我們選擇，由於是即叫即做，所以等了差不多十五分鐘才上齊我們三人的飯菜。你們可能有一個問題，為甚麼我沒有拋餐具到回收桶內？這是因為我們都不用自己回收，我們吃完就會有人來收拾我們的餐具，我們只需要將它們留在原位便可。
回到局長的工作室，就開始等待完成的新聞。等待的過程中，局長繼續將他的經驗分享給我，他最怕的是我想不到足夠的題目。
「嗶﹗」一聲，終於有一張紙從通訊機緩緩的走出來。
「其實總編都過目左一次，你會唔好仔細咁睇？」
「緊係會啦，呢位係我嘅工作，同埋我哋唔可以假手於人。就算總編係你信任嘅人都好。」
「我想問總編係咪你揀出黎？」
「係，不過都成十幾年前嘅事。唔講住，做正經野先，你望下呢篇有冇問題？」
「我覺得寫得幾好，佢寫左呢架可以飛嘅野有幾勁，但我覺得如果最尾加番我哋係四個國家入面第一個研究呢樣野係咪會好啲？雖然我都唔知其他國家有冇。」
「李日，我真係冇揀錯你，楊老師都冇推介錯人。你完全講出左呢篇文差左啲咩。你依家幫我喺後面加番上去啦。」
我們看完所有新聞後，便先去吃晚飯，等印刷部的同事上班。吃過晚飯後，便將新聞傳送給他們，完成局長一天的工作。