《我喺連「興趣」都冇嘅極權國家生活咗廿年，直到遇見妳》: 第六十四章

回到家，原本在師父面前笑意盈盈的銀欣突然變得板起了臉，我開始感受到一股壓迫感。
「老婆，不如…。」
「你同我返房先。」
「係。」
然後，我就先上二樓回到房間。等待她的時間其實並不長，但每一秒鐘都是一個煎熬。
「登、登、登…」
門外開始傳來一陣腳步聲。之後，銀欣便拿著一條又粗又長的木間尺進入了房間，並鎖上房門，就像一個酷刑侍候的現場。
「老公，不如就趁依家講清楚邊個係周玲啦。其實就算之前發生過啲咩事，我唔會介意，因為你都已經揀左我，只要你坦白同我講發生乜事就得。我唔明解你琴日要避開唔講囉。」
「我唔講係因為我唔想提起我以前嘅傷心事啫。」
銀欣於是便用木間尺向床上用力一拍。




「咁你依家講定唔講？」
「講講講。」
於是我便由第一天認識周玲開始講起，直到她參選局長老婆一事，從頭到尾講了一次。
「首先，我係專校識佢嘅。咁第一日食完個中午飯，佢因為我拋餐具一事就開始唔鐘意我啦，之後第一份功課之後，我拎左最高分，佢就走黎同我一組。」
「佢都幾現實喎。根住呢？」
「然後我就到專校畢業都一直一組，因為佢屋企住得遠，所以佢成日都會喺我屋企訓。」
「你講咩話？係你屋企訓？」
說罷，她已經用木間尺一下打在我的後背上，痛得我尖叫了一聲。
「又係你話我坦白，你就唔介意？同埋我哋唔係訓同一間房架。」
「女人講野你都信，咁你哋兩個有冇做其他功課以外嘅事情？」




「冇呀，老婆。」
「信住你先。繼續講落去啦。」
我已經感受到這將會是一段漫長的逼供時間。