「你哋兩個傾咩傾得咁開心。」
正當我想跟她說我們沒聊甚麼特別事情之際,那高己搶先回答。
「冇呀,我哋岩岩都係講你壞話啫。」
銀欣並沒有回話,只是怒視了我一下。
「那高,到你啦,入去啦。」
隨住護士的這句話,等侯區就剩下我和銀欣二人。
過了一兩分鐘,銀欣還是沒有說話,我怕她生氣了,所以我只好主動搭話。
「老婆,做咩唔講野,仲要燶口面咁。我哋岩岩乜都冇講,你放心啦。」
「我唔信。」
由於我未能成功哄回銀欣,我只好失落地低著頭,思考方法。




「老公做咩呀?」
「冇呀,諗緊點哄番你。」
我看向她,只見她正在恥笑我,與剛才板著臉的她,完全是一百八十度的轉變。
「玩下你嗟,我邊有咁易嬲。」
「咁就好啦,我仲未諗到方法。」
「乜我係你心目中,咁容易嬲咩?」
「唔係,你又識得體諒人啦,又善解人意喎,又點會易嬲。」
「咁你岩岩又以為我嬲?」
「誤會誤會,配合下你啫。」
而事實當然是我真的以為她生氣了。




突然,我們聽見房間裏面傳來嘈吵的聲音,令我不禁擔心那高的身體是不是有些問題。