《我喺連「興趣」都冇嘅極權國家生活咗廿年，直到遇見妳》: 第八十章

離開飯堂，我們也跟那高道別。
「李局長，我還番銀欣比你，等你哋過二人世界啦，唔阻你哋啦，我走先，遲啲見。」
「再見」「再見」
回到家中，我返回工作室，繼續我的工作。
「老公，我可唔可以入黎陪你？順便可能幫下你手？」
「幫手就唔駛啦，但我諗可以入黎嘅，都冇乜秘密。」
銀欣便走了進工作室，坐在我的身邊，依偎著我，陪伴我工作。坦白說，雖然她的行為讓我的左手幾乎完全廢掉，無法加入工作，但我的心情變得好了很多，工作效率也節節上升，所以我很快就整理好所有文章，統一發給印刷部，完成今天的工作。
「老婆，有你係度陪住我真係好，我做野都快好多，你之後都可唔可以陪我？」
「聽日可以呀，但後日我又約左那高。你岩岩都聽到啦，佢好慘，我都想陪佢多啲，所以我諗住一日陪你一日陪佢咁樣。」
雖然我有點不高興，但我也沒有表現出來，可能之後再跟銀欣討論，現在就先按照她這個計劃。




睡前，她跟我談及創新局的最新研發品。
「我哋就黎會有新玩具玩，那高話創新局研發緊啲新野，遲啲如果佢拎到的話會比一個我哋試。」
「你知唔知咩黎架？」
「唔知呀，遲啲咪知囉。始終那高同佢老公唔多熟，佢知道已經好叻。」
「係喎，咁佢點知架？」
「你唔好理啦，八掛，訓啦，日日都要早起身架我哋。」
「好啦，早抖。」
銀欣便蓋上被子，躺在床上。而我就先到床邊關上燈，才睡到銀欣的旁邊。