「老婆,做咩踼我呀?」
銀欣搖了搖頭,然後靠到我的耳邊說話。
「細聲小小係咪會死呀?踼得你緊係你講錯野啦。」
「對唔住呀,但係咩事呀。」
「馬光一定會扮唔知,因為你唔應該知道佢啲發明,係那高偷偷地比我哋架。」
「原來係咁。」
然後,銀欣對住馬光微笑了一下,便繼續跟那高談話,但我感覺她眼角是一直留意著我的。而我當然要回答剛才馬光的提問。
「哈哈,冇野啦,你當我冇講過啦。」
「唔係喎,你話我整左啲咩平板電視,明明我聽都未聽過,咩黎架?」
「你份人真係識玩人。」




「你肯答我未?咩係平板電視。」
「我乜都唔知呀,我岩岩講錯,你當冇聽過啦。」
明明是他發明的,然後給那高用,只是那高給了我們,有必要這樣追問我嗎?我真的不太明白馬光到底是想我回答他甚麼,他應該比我更清楚那個平板電視吧,我到現在也沒弄明白那個節目的語言和拍攝方法及場地。
那高也感覺到我這邊的對話來到了死胡同,所以出手打救。
「老公,我哋都食飽啦,不如走先。」
「但我仲未問到呢個人講嘅平板電視係咩?」
「下次先啦,我覺得我好肚痛,想快啲番屋企,同埋你都要做野啦。李局長、銀欣,我哋走先啦,下次見。」
這次和馬光的見面就在不愉快的對話中結束。
不過,等那高她們走遠後,我又感覺到有一對兇狠的眼神正在看著我。