《我喺連「興趣」都冇嘅極權國家生活咗廿年，直到遇見妳》: 第八十八章

幾天後的早上，大門傳來了敲門聲，我感到非常詑異，因為自從接任新聞局局長的職務後，師父師母再沒有找我，而我的大門也自然沒有人敲門。
雖然覺得奇怪，但我和銀欣也走出工作，打開大門，看到的是久違的師父師母。
「師父師母，好耐冇見。」
「李日銀欣，好耐冇見啦，近排點呀？」
「幾好呀。」
「做野慣唔慣？」
「還好，做嘅野都唔算話好難，同埋你都教晒我點做，好容易接手。」
「咁就好啦。」
「師父揾我哋咩事？」
「揾徒弟要理由咩？」




「當然唔駛啦，只係有啲突然，以為有啲咩突發事。」
「諗住揾你哋食餐飯，同埋話俾你哋知，下星期係領導人生日，每年皇城區都會有盛事舉行，基本上如果我哋嘅職務係容許我哋休息一日的話，都會要求我哋參加佢嘅生日大會。」
「原來係咁，咁我係咪要同總編講聲。」
「冇錯，你同佢講下星期三你要休息一日，叫佢處理埋你嘅職務。」
「明白晒。唔該晒師父提醒，如果唔係，我真係懵然不知。」
「咁呢個都算係我職責，你唔去我都會俾人問。個日你預左會見到好多人，我都會慢慢同你介紹，你個日企係我隔離就得。」
「知道。」
「你應該做晒朝早嘅野啦？我哋依家去食飯？」
「可以呀。」
於是，我們四人便前去吃飯。