《我喺連「興趣」都冇嘅極權國家生活咗廿年，直到遇見妳》: 第一百一十六章

來到我生日的前一天，銀欣叮囑我要請兩天假。
「老公，你聽日同埋後日請左假未呀？」
「請左啦。其實我哋去邊要請兩日假咁多嘅？」
「你聽日咪知囉。同埋呢，那高都會去喎。」
我到之後有點失落，因為我以為這之會是我和銀欣重新打好關係的好機會。
「可唔可以唔好呀？我想同你二人世界喎。」
我看到銀欣嘴角微微向上，看來她也想兩個人一起過我的生日，但她的答案與我心想的不同。
「唔得呀老公，佢都會一齊去。不過你可以放心，去到之後，佢都會有大把野做，唔會得閒騷擾我哋，除非我哋覺得佢有存在嘅必要。」
「我信住你先啦，不過我諗佢唔會有必要喺我哋身邊架啦。」
我非常期待之後兩天的假期，因為我可以和銀欣一起渡過，又不用工作。而同時，我也很期待她到底會給我怎樣的驚喜，帶我甚麼地方。




不過，我有一點是想不明白的，皇城區並沒有這麼大，作為皇城區的居民，除突發情況外，是不能離開皇城區的。所以，我對於她安排了甚麼活動可以用上兩天而感到百思不得奇解。故此，我在床上無法入睡，腦海總是在猜想明天的活動。
「老公，早啲訓啦，聽日會好攰，由其對你黎講，無論精神定係身體，所以早啲休息。」
「但係你一直唔同我講去邊，我真係訓唔著喎。」
「但我依家真係唔可以講住，講完你更加訓唔著。」
最後，我只好儘力催眠自己入睡。