《我喺連「興趣」都冇嘅極權國家生活咗廿年，直到遇見妳》: 第一百二十章

「하나，둘，셋」(註：一，二，三)
機器傳來了聲音，但我完全聽不明白。
然後，我看到一片白光，而且我感覺到我的身體正在移動。
大約過了五秒，我感覺到身體是靜止的，而眼前又變回剛才機器的顏色。
「老公，你打開門睇下。」
「今次唔駛嗰啲咩暗號？」
「唔駛啦。」
我用力一推，眼前是一間非常大及漂亮的房間，以粉紅色為主題，而且掛著不少合照，當中包括我和銀欣吃飯時被偷拍的情掠，也有那高和銀欣的，還有一些我不認識的人。
「銀欣、李局長，我走先啦，聽日見。」
那高就極速離開了房間。




「老公，我知你會有好多問題，依家可以開始慢慢問。不過我講左小小先，呢間係我間房，我其實係金國嘅公主，真台係金欣。」
聽到此，我已經整個人呆了，同時想通了很多事情。我終於明白為何銀欣有這麼豐富的知識，和掌握不同的技能，又會對洛國的事情諸多不滿。
銀欣沒有理會我，繼續說。
「呢間係我喺金國嘅房，上面你唔識嗰兩個人係我父母，我父親係依家金國嘅皇帝。我之前一直呃住你真係唔好意思，但我都係迫不得已。」
「啫係話你想做我老婆嘅原因係因為我係新聞局局長，想親近我係為左完成你嘅使命？」
「一開始係嘅，但之後我都真係鐘意你，所以我先想早啲比你知道真相，我唔想你一直生活係一個封閉嘅國家，汲取錯誤嘅資訊，我想你可以有好啲嘅生活，知道咩先叫自由，咩先叫人生。」
「咁你覺得咩先係人生？」
「有自由，有選擇，係唔影響到其他人嘅情況下可以做自己想做嘅野。」