《我喺連「興趣」都冇嘅極權國家生活咗廿年，直到遇見妳》: 第一百四十八章

就在這個時間，銀欣走進了工作室。
「老公，唔去食早餐？」
「唔啦，我要做野先，再唔係就做唔切。」
「咁我陪你。」
「好呀，但係好似我去完金國之後，完全唔知應該諗咩新聞題目咁。」
「你咪好似以前咁，跟番今日星期幾應該有啲咩題目，之前都係咁架啦。」
「但係…」
「唔好但係啦，只係你知道左真相啫，好多人都未知，你要做嘅就係繼續咁樣寫住。」
「都係嘅，只係覺得我知道左真相，係咪應該係報紙度呈現出黎。」
「唔好，如果你講出真相，我唔知領導人會對你做咩。一係咁啦，我成日都睇你做野，都大約知點做嘅，今日等我幫你，比你冷靜下先，你睇住我有冇做錯就得，但聽日你要做番。」




說完，銀欣便搶了我的位置，在紙上寫出不同的題目和引導。
不消一會，她便完成了二作，並發給周玲。
「老公，肚唔肚餓？我好餓啦。」
「餓呀，但係依家應該仲係早餐，未轉午飯，咁我哋點？」
「琴日拎左咁多野番黎，係時候食啦。」
銀欣從其中一袋取出了一個名為「쵸코파이」的紅色盒，上面印著一個黑色的圓柱體。(註：choco pie)
銀欣拆開了盒子，裏面有很多個銀色的包裝。她拿起了其中一個，純熟地拆開了包裝。她拿出了一個就如包裝一樣的那個黑色的東西，津津有味地吃著。
「好味，老公你都試下啦。」
她將一個銀色的包裝遞給了我。
我學著銀欣一樣，在包裝上一齊撕，但我未能成功。




銀欣察覺到我一直未能打開，便看我打的方法。
「老公，你要撕有凹凸嗰一邊」
我聽到後，便在另一邊打開，果然成功了。這個黑色的東西雖然外表並不好看，但又頗好吃。