《我喺連「興趣」都冇嘅極權國家生活咗廿年，直到遇見妳》: 第一百五十九章

幾經辛苦，我終於走進會客室，看到領導人已坐在裏面等我。
「你好，我係李日，好高興有呢個機會同你會面。」
「我係領導人呀。」
「領導人你好。」
「做咩無啦啦走入黎？有咩想講。」
「咁我係新聞局局長，又有呢張卷，打算寫個專題係訪問領導人你。」
「好。」
「首先想問你點樣睇洛國。」
「洛國一定係最好。其餘三國都仲打緊仗，我哋有安穩嘅生活已經好好。」
「咁發展方面呢？尤其係科技上，我見到我哋皇城區都算有小小科技，但離開皇城區少之有少。」




「佢地對社會冇乜貢獻，唔駛理咁。佢地最在乎都係每日有飯食啫。」
「其實見你講到外面成日打仗，想問你有冇離開過洛國睇過？」
「緊係冇啦，咁危險。」
「咁請問你點知嘅？」
「你哋新聞部寫架，你問番我轉頭，係咪搞笑？」
「其實我哋都係跟領導人指示寫，每日嘅新聞大部份都係作出黎。」
「咁我唔知啦，應該係我啲祖先睇過掛。呢啲野我唔知架。」
「明白。咁不如最後一條問題啦？」
「好，我都想去訓晏覺。」
「你平時有咩做？」




「其實真係冇咩做，教下個仔野，同老婆玩下，咁就一日。」
「咁關於國家管理方面呢？」
「我相信你哋喎，同埋我請你哋番黎做局長，就緊係你哋幫我做架啦。」
「明白，咁我走先。」
「好，你記住寫得好啲喎，呢啲野你識架啦。你寫得差唔會有好下場。」
「放心，我當然知。」
事實上，我當然不會刊出這個專題，我實在不想幫你美言。如果我將事實寫出來，只會影響我原來的計劃。最重要的是，經過這次的會面，我已經對洛國領導人徹底失望。