那一天，有女仔嚟咗男校讀書(外傳)(少少甜): 第二章:校園

今日係阿明第一日喺xx女書院翻學，好多嘢都要重新適應。
包括身邊全部都係女仔呢一點，阿明都要時間適應。老師叫阿喬今日午膳嘅時候帶阿明喺學校行一圈，等阿明熟悉一下成個校園嘅環境。經過阿明一個上午嘅觀察，阿喬係一個開朗嘅女仔，個人又易相處，所以喺班上都有好多朋友。阿喬一放飯就拉住阿明，阿明連喘息嘅機會冇，就俾阿喬帶咗上7樓教員室。
「我哋由7樓一路參觀落去1樓，好冇?」
「好吖!」
阿明心諗:你都帶咗我上嚟，唔通又行返落去咩？
阿喬耐心介紹學校嘅每一個角落，阿明見有個靚女陪佢，就覺得用一個鐘去參觀哂成個學校都唔係一件壞事，雖然最後唔夠時間食飯，但係阿喬約咗佢放學去小食部食個tea先走。
佢哋喺放學嘅時候跑咗落小食部，搵咗一張冇人嘅枱坐低。
「你食咩?我幫你買埋吖!」阿明問阿喬
「我要一串魚蛋同一串燒賣吖，唔該哂!」
「OK」


阿明好快買完返嚟。
「我俾返錢你吖!」阿喬攞出銀包
「唔使啦，當係你今日lunch time帶我參觀嘅報酬。」
「咁我唔客氣喇!」阿喬講完就開始食魚蛋
阿明買咗一包炸薯條食，估唔到又幾脆喎。

(待續...)