［真人真事改篇］《有一種鍾意，係我鍾意你鍾意我。》/《初戀1000天》: 第十章中

第十章中

「仲有腸仔、燒賣、面包、棉花糖⋯⋯全部我都想食。」

「食咁多，唔驚變肥婆？」

「唔食都咁肥架啦。」Hannah板着臉說，看起來就像快發怒的火山。

「說笑姐，唔洗黑晒面喎。」



「我無呀。」Hannah沒有笑容的臉像刻上了「生人勿近」四個大字，她卻不自知。

幸好，這並不影響她的美貌，倒添了幾分冰山美人的氣質。

「拿，拮好啦。」James把刺了雞扒的燒烤叉遞到Hannah手上，自己手上則拿着另一雙刺了燒賣和腸仔的燒烤叉。

「你都想食燒賣同腸仔咩？」Hannah問道。

「你話想食呀嘛。」



「James，我都想食雞扒呀，你可唔可以幫我拮呀，唔該你呀～」K哥突然摟着James的肩膊，故作嬌柔地說。

那種眉態，讓人一陣毛骨悚然。

James連忙掙脫K哥，說：「好噁心呀大佬！」

「你唔係幫Hannah，唔幫我吓嘛？我話比Jessie知呀拿。」K哥威脅道。

「係咪咁玩野呀大佬？」



K哥督了桌上的雞扒一眼，像是在說：咁你識做啦。

James無奈地替K哥的燒烤叉刺上一塊雞扒。

「Jessie幾時變咗你死穴？」Hannah笑着說，說罷，便拿着燒烤叉走往放滿爐頭的露天操場。

待Hannah離開後，K哥才從後，用手臂箍着James的頸項說：「死仔又掛住溝女。」

「喂，冤枉呀大佬，拮下野食咋喎。」James喊道，右手連忙放下燒烤叉，扯開K哥的手。

「等住幫佢拮野食嘅人，由依到排到尖沙咀啦，洗你？」

「難怪你咁大個人都A0，好心你份人，Gentle啲好無？」

「Gentle？我剩係對住我條女Gentle架咋喎。」K哥理直器壯道，說的他好像真的已經有女朋友似的。



「OK. OK. 你話點就點。」James無奈地說。


在這溫度近三十度，萬里無雲、天清氣朗的日子，Jessie和Jonathan他們竟要背着幾公斤重的露營裝備，攀過高山峻嶺，越過峽谷與溪澗。

對於從未試過露營的Jessie來說，簡直是痛苦的折磨，輕易便成為隊伍的最後一人。

「你得唔得？洗唔洗我幫你孭啲？」站在高幾個台階的Jonathan俯視臉青唇白的Jessie說。

「唔洗，比啲時間我就追到你地架啦。」

「真係？你睇落去就死咁喎。」

氣喘如牛的Jessie無法再說出一句話，只向Jonathan比了一個OK的手勢，開始後悔沒聽教練的話把體能練好。



「唔好啦，你比啲野我孭啦。」Jonathan往下走了幾級，來到Jessie旁邊，把她的背包拉下來，把裏面的一些煮食用品強行塞進自己本來已脹鼓鼓的背囊裏。

「喂，唔洗啦，你個袋都好重。」Jessie說。

「OK喎，我有做開Gym嘛。」

Jonathan沒有聽Jessie的話，還是使勁地往自己的袋裏擠。Jessie這才發現，從前骨瘦如柴的Jonathan，如今的手臂竟長出了肌肉，在汗水與陽光的輝映下尤其顯眼。

「哇，Jonathan你真係好。」負責走在隊尾的負責人之一Queenie讚嘆道。

Jonathan微笑以對，終於到袋都快關不上、無處可放的地步才停下來，替Jessie重新背上背包。

「唔該晒你。」Jessie感激地看着Jonathan說，卻從他眼中讀到了婉惜與無奈。



比着以前，你點會係咁嘅反應⋯⋯Jonathan心想。


過了兩個多小時，一行二十多人終於來到山上的一處大平地。

「吓，真係露營架？仲以為係去渡假村添。」Jessie看見幾乎遍地牛屎的草地頓時呆了。

「渡假村就唔洗我地孭咁多野啦吓嘛？」一位站在Jonathan身旁的女生說，「唔好發呆啦，我地快啲去霸個靚位先啦。」

沒想到平日嬌生慣養的Deborah竟也參加了這次露營，還是Jessie和Jonathan的隊友，而除了她之外，Joey竟也是他們的組員，還有幾個來自其他學校的學生。

「點解你會同佢一組架？」Jessie驚訝地問道。

「你話Deborah？有咩問題？佢幾好人呀。」Jonathan不解地問道。



佢好人？Jessie難以置信這竟是Jonathan對她的評價。然而，若這時她在毫不知情的Jonathan前說她壞話，她就會那個成了搬弄是非的女人，所以她還是把剛到口邊的說話咽回肚裏，假裝敷衍道：「無，無問題，唔知原來Deborah同我地一組，有啲驚訝姐。」Jessie微笑道。


聽過負責人的講解後，他們便開始在草地上紥營。

每當聽重要的事情時，Jessie常常會不自覺地放空，很自然地便錯過了負責人的講解，直至打開帳蓬的枝架時，才開始後悔自己剛才沒專心聽負責人的講解。

「Jessie，」Deborah拿着地釘走到Jessie身旁，一臉無知地問道：「知唔知依個點用？」

哇，你唔係問開啲仔嘅咩？做咩無啦啦轉死性黎問我？Jessie心想。

「umm……」Jessie腦海閃過負責人拿着地釘的畫面，卻忘了他說過的話，像齣默劇，無法用言語描述。

看着兩個站在烈日之下的笨蛋，Jonathan趕緊把自己的帳蓬搭好，跑到二人身旁說：「依個係整帳蓬搭好之後先用到，你地搭咗個蓬先啦。」

「呃⋯⋯姐係點搭？我啱啱miss咗。」Jessie的目光四處張望，像個不願承認過錯的小孩。

「哇，好勁呀你，咁快就砌完，我頭先企太後聽唔清楚佢講嘅野，你可唔可以教下我地？」Deborah讚嘆道。

「拿，第一步應該將個枝架擺依到⋯⋯」富有耐性的Jonathan沒有半點怨言，拿出它們背包裏的物資，細心地講解起來，「⋯⋯明唔明？第一步要做咩先？」

「明呀，枝架呀嘛。」這次終於專心聽講解的Jessie說，可同一時間，Deborah卻說：「唔明呀，姐係要點？將個釘要釘實係個草地到？」

「真心咩？依步應該係最後一步喎。」Jonathan臉上雖是大寫的無奈，卻還是掛着笑容。

「死啦，我唔明添，今晚唔會無地方訓架？」Deborah一臉擔心地說。

下午四時多，陽光還是一樣熾熱，草地成了柴火，煎着他們的鞋底，彷彿再多曬一會就能燃燒起來，把人蒸熟。

Jessie懶得再等Deborah理解，依照Jonathan所說的開始紥起營來。

汗流如柱的Jonathan面對Deborah也舉起了白旗，乾脆說：「算啦，我幫你砌，你負責遞啲物料比我。」

「咁好？好彩有你咋。」Deborah說，眼裏的閃光比陽光還要耀眼，可專心紥營的Jonathan卻看都沒有看一眼，成了無法通電的電線桿。

「你覺唔覺Deborah好煩？」剛從不遠處的山澗抬水回來的Joey瞪着Deborah，對開始着手紥營的Jessie說。

「係咩？」Jessie內心其實非常贊同Joey的話，可戒心甚重的她卻沒把心底話說出來。

「你唔覺佢對住啲男仔係唔同啲架咩？講野又Mean喎，如果我知Jonathan搵埋佢一組我一定唔加入依組。」

無錯無錯，Jessie對此深表認同，忍不住問道：「乜你都唔妥Deborah架咩？我見你地之前仲有一齊玩過，以為你地幾Friend添。」

「閘住，我無同佢一齊玩好耐。」

「竟然！點解？」Jessie驚訝地說，手不忘把帳蓬套上支架，Joey連忙放下手上的水袋去幫忙。

「佢杯人邊洗原因架，心情唔好咪杯你。」

沒想到Joey與她竟同是天涯淪落人，Jessie激動地附和道：「啱呀，成日無啦啦杯人，仲要可以一邊對住你笑，一邊係背後講你壞話，仲要Mean到爆。我知我都唔會入依組！同Jonathan一定傻撚咗。」

說起討人厭的Deborah，平日半句粗言穢語也不說的Joey也不禁激動地說：「緊係啦，Jonathan咁好人，仲要比個八婆睇中，分分鐘渣都無。」

二人一起眺望緊貼着Jonathan的Deborah，手上正拿小風扇向着Jonathan吹，那副積極獻殷勤的樣子實在令她們想吐。

「你睇你睇，你個Jonathan就快比佢食咗！」Joey搖搖頭說。

「咩我個Jonathan，我同佢唔係好熟。」

「話時話你地仲咩無啦啦疏遠咗咁多，以前唔係好熟架咩？」

「你點知我地疏遠咗架？」Jessie驚訝地問道。

從來都活在自己世界的Jessie，收風永遠收得最慢，即使是自己的八卦亦然，往往都成了舊聞她才知道。

「明眼人都睇得出啦。以前你地四個成日癡埋一齊，依家變成你同James，Jonathan同Ivan，唔知仲以為你拒絕咗佢。」

「吓，會唔會吹大咗？我同佢咩都無發生過喎。」Jessie驚訝竟然傳出過這樣的八卦，身為當事人的她竟毫不知情。

「但你同James一齊嗰陣，佢好唔開心喎，成個人Down晒。」

「咁你都知？」

「嗰陣同Deborah仲算Friend，佢話我知嘅，你唔係一啲都Feel唔到呀嘛？」Joey以為Jessie是個頭腦靈光的人，沒想到竟是如此的後知後覺。
「我真係唔覺喎，會唔會係你地諗多咗呀，嗰陣你都問過佢係唔係鍾意我，佢都話唔係架，你唔記得咗啦？」

Jessie還是不相信，曾與自己友好多年的密友竟會喜歡上自己。

「男仔嘅野，唔通個個都好似James咁周圍同人講鍾意你咩，Jonathan擺明係嗰陣打死都唔會講嘅人。」

雖然Joey說得像真的一樣，可Jessie還是忍不住懷疑：明明成日同我作對，點會鍾意我？

在四人的努力之下，不知不覺間，帳篷已經砌好了，而負責執拾樹枝和乾柴、盛水袋的組員也全都回來了。

雖然Joey說得像真的一樣，可Jessie還是忍不住懷疑：明明成日同我作對，點會鍾意我？

在四人的努力之下，不知不覺間，帳篷已經搭好了，而負責執拾樹枝和乾柴、盛水袋的組員也全都回來了，Jessie和Joey的對話才被逼終止了。

接下來，便是煮食時間了。來這裏的人，大部分都是第一次露營，都沒試過在野外煮食，加上入夜後燈光漸暗，又刮起大風，整個煮食過程變得兵荒馬亂，不僅擋風板掉了又掉，頭上的樹枝和葉子竟掉到鍋裏，為了這頓飯添了不少風味。而最重要的，是當大家都以為可以吃了的時候，送進口的那口飯，竟有鼓焦味，而那塊牛扒，竟還有些許血味。雖然難以下咽，可在走了整天山後，早已飢腸漉漉的眾人還是勉強吃了，還成了多年後還在討論的茶餘飯後的話題。

「呀！」Jessie突然一聲尖叫。

「咩事呀？」旁邊的Joey被Jessie突如其來的尖叫聲嚇了一跳。

「一下無夾穩，我塊豬扒連埋筷子一齊跌咗落地⋯⋯」Jessie內心盡是哀怨，心想：難得終於有野食可以落肚，明明已經夾到嘴邊，點解咁都會跌咗⋯⋯

「一人得一塊咋喎，你跌咗咪無野食？」Joey說。

沒晚餐吃，對以食為天的Jessie來說簡直是噩耗，本來已因為飢餓和疲憊而變得刻板的臉，此刻更是黑得與四周漆黑的環境融為一體。

「其實我都唔係好肚餓，我分啲比你食呀。」聽到Jessie的說話，Jonathan竟把碗裏剛吃了一口的豬扒，用刀把咬過的地方切去，放到Jessie碗裏。

「其實我都唔洗食咁多，分啲比你呀。」聽到Jonathan的話，Joey也把碗裏的豬扒分了點給Jessie。

自從下午一起紥營，一起講過Deborah壞話後，Jessie和Joey的關係增進了不少。

「哇，你依到有大半塊喎，你唔洗食咩？況且Joey都比咗啲我，我要少少得啦。」於是，Jessie又借着微弱的燈光，用刀切了一半放回Jonathan碗裏。

就在這個「呀婆飲茶爭埋單」的時候，一位戴着閃光燈的負責人站在平地中央，拿着擴音器說：「大家食得差唔多呢，洗埋啲鍋，我地就開始今晚嘅活動。」

吓，仲有活動？Jessie早已累得合上眼便能入睡，沒想到竟還有活動，便更是後悔來了這個露營。

「無錯，今晚我地唔會訓返係到，一陣我地會帶大家上山，每個人剩係可以帶一張墊、睡袋同電筒上去，手機入營前已經講咗唔可以帶，所以上到去應該唔會見到大家用手機。另外，上到去我地會排安排唔同嘅人訓唔同嘅位置，所有人之間都一定會有一定嘅距離，目的係想訓練大家試下面對自己，聆聽下自己心裏面嘅聲音，學習同自己相處，思考你地未來嘅道路。如果你怕黑嘅，仲係一個好好嘅機會比你面對自己嘅恐懼。」負責人說道。

「咁我地點解要咁辛苦紥營？」馬上有人議論紛紛地說道。

「咁你地嘅袋都要有地方放架，而且，其實依個世界有好多野其實都係無原因，你地唔覺咩？」負責人笑了笑，續說：「好啦，大家快啲洗埋啲野，我地準備上山。」說罷，負責任便放下了擴音器，關上頭上的閃光燈，再次隱沒在一片黑暗之中。

唔撚係掛？向來怕黑的Jessie內心盡是粗口，心裏只有一個念頭，就是逃離這鬼地方。可惜，夜已深，一切已經太遲了，她只能硬着頭皮上山。


執拾了簡單的行裝後，大家聽從負責人的指示，分成兩隊，分別排成一條直線，手搭在前面的人的肩膀上，靠着手上電筒微弱的燈光往兩座不同但相鄰的山頭走。

而走在Jessie面前的是Jonathan，身後的則是Joey。

走過營地的平路後，緊接的是一段狹窄的山路，然後是陡峭的斜坡。平日走路總是走在最後的Jessie，為了不落後，她緊拉着前方Jonathan的衣服，努力追緊他的步伐。

而在這個時候，她手上的電筒突然因為沒電熄滅了。

頂，依個時候連電筒都玩我？Jessie心想。

「唔洗驚，你捉實我，我枝電筒夠光，你借我啲光應該睇到。」Jonathan本想節省電源而把電筒調暗了，現在馬上把它調至最光，又把光線往後移，方便Jessie看路。

聽到Jonathan的話，Jessie把他的肩膀捉得更緊了。

「好彩你枝電筒夠光。」Jessie其實想說句謝謝，可是別扭的她總在說不出這些說話，只好換種方式說。

Jonathan沒有回話，山間再次剩下他們踏在樹葉上那些「吱吱」的聲音，還伴隨着夜夜不眠的蟬叫聲和湍流不息的流水聲。

只可惜這時的月光正被雲層遮擋着，籠罩他們的除了黑暗，還是黑暗，不然實可比媲《山居秋暝》所的空靈的美景。

雖是如此，這次體驗卻已在怕黑的Jessie心裏烙下深刻印象，尤其是Jonathan那雙厚實的肩膀，是她在漆黑之中藉以前進的明燈。