我係藍絲臥底（未來）: 第三章

我一路搭巴士，由新界到九龍，感受住景色既變動，由世外桃源，與世無爭，變到城市繁華，再到戰火燎天，短短一個鐘，竟然有咁大改變。

我去到油麻地一帶，就已經無得再行近去尖沙咀啦，因為該處已經變成左戰爭區域，戰火不斷，尖沙咀就被水馬一直圍住。

我一行近既時候，有個白衫既警察就行左過黎講「草泥馬，你幹嘛。」不停咁指住我。

我:「無野呀，警官。」

警官:「沒事你就走開。」





就咁我就被人趕走左。

「咕咕」個肚不停咁叫，係喎，自尋日開始，就已經好耐無食過野啦，但係當時出黎又太趕，依架身無分文真係唔知點算。

有個人就拍一拍我膊頭講「你支唔支持持警察呀」係一個中年大叔。

我:「我支持呀」

大叔:「你應該都無野做啦，一齊黎撐警遊行啦。」





撐警遊行呀，為國加油係今次啦。「好呀」

佢就帶左我去遊行現場，真係氣勢雄偉，整場目測整整有二十個人，每個人都係度嗌「支持警察，嚴正執法。」

一腔熱血，搞到我都忍唔住跟住嗌埋一份，旁邊個大叔見我嗌得咁大聲就幫我拍片。

過左陣之後，大叔就話「差唔多啦，收工啦」

估唔到咁快就完啦，我就自己一個走左。





大叔就拉住我講「喂靚仔，你唔要盒飯同錢啦。」

我:「吓，撐警有錢收？」

大叔:「喂，你唔好咁大聲啦，你唔要我收左佢啦。」

雖則我本意係撐警，但係我真係好肚餓呀，估唔到我都要為五斗米而折腰。「飯我就收左佢啦，但係錢就唔使啦。」

大叔就俾左盒飯我「真係神神化化架」

我接左盒飯之後，就坐左係小巷既櫈到食飯。

食完之後，就忽然有人係後面用毛巾掩住我既嘴，搞到我呼吸唔到，我不停咁掙扎，但始終都係暈左。