《球會》

球會
  有間好有錢嘅愛國球會，同人講自己係一間好好嘅球會，可以令你成為世界一級嘅球星，於是好多人聽佢講入左佢間球會。入去嘅人質素有好有壞，當然唔好嘅佔大部分。過左幾年，佢將最差嘅嗰堆球員踢走左，簽左一班由一啲較高水平嘅球會嘅棄將番黎。佢覺得呢班棄將可以幫佢贏歐聯冠軍。但係因為棄將只佔呢隊波嘅少數，唔夠人組成一隊波。
  佢要求其餘嘅球員同呢班棄將一訓練，用一啲唔適合呢班球員嘅方法去訓練佢地，呢間球會冇諗過嗰班質素唔高嘅球員可能係適合踢中場、後衛、甚至乎係龍門。又或者佢地跟本唔適合踢足球。當然，呢班球員為左生存只能夠照樣訓練。最後，呢隊波贏左個聯賽杯，然後就話自己可以訓練到世界級嘅球員。從而，繼續吸引人地加入佢嘅球會。