求神畀我出一次Pool，點知畀埋個偶像男朋友我: 13

突然，陳浩賢全神貫注看著我的眼睛說：「話說頭先我咁樣，記得唔好講俾你男朋友聽～你明啦。」

我定過神，裝作有自信說：「哦！緊係啦，呢啲點會講？」

「哈哈，你真係幾搞笑，但……」

「咩？」

「你呃唔到我。阿軒對你係點，你知㗎啦？你唔鍾意人就唔好拖佢，作理由可以作好少少喎。」



我一臉疑惑望著他，難道他已經發現了… …？

「你唔係覺得我會信你有男朋友啊嘛？阿軒單純先會信咋。」

「下，咩啊，我真係有男朋友㗎！」我不禁越說越大聲。

「你真係唔識呃人囉，平時講野細細聲，一講大話就會突然勁有自信。」

「超，你係咪以為自己好醒？咁你呢？聖誕節muso男神會無拖拍，我唔信囉！」



「我……我無拍拖好耐。」