求神畀我出一次Pool，點知畀埋個偶像男朋友我: 19

難道他趁我不為意時偷偷放禮物在我手袋裡？

我馬上下床翻開手袋一遍，但什麼都找不到。

「無啵，都見唔到嘅～」我問阿軒。

「其實呢，份禮物一早喺你屋企㗎！平安夜你家姐應該有帶一份禮物俾你。」阿軒說罷，我瞄了一眼桌上姐姐給我的禮物。

「我係托Richard俾你家姐，再轉交俾你。不過就叫你家姐唔好講係我送，想俾驚喜你。」阿軒續說。



「下？？？？咁點解你唔今日先親手俾我啊？」

「因為我本身唔肯定你會唔會出嚟㗎……加上我驚你未必收。」

「等等！！咁姐係你一早知今日會見到我？？？？你今日扮唔知？」

「係……Richard之前無意中知道咗晴兒個妹就係你，不過你家姐都唔知我哋係識。」

「下，你哋覺得好好玩？？？？呢啲叫驚喜？」



「sorry啊，我哋唔知你會咁唔鍾意，但我對你真係真心㗎。」

「我本身收到你電話真係開心返好多，但一知道原來全部都係局，我唔知仲可以同你講咩好。」

「多謝你嘅『真心』，我想訓先。」

「好對唔住，我都無咩可以解釋，但你真係唔好嬲你家姐啊，佢咩都唔知。」

「得啦，Bye.」



唉，男生的驚喜真的很無聊。

為什麼你們就不能一開始說早就知道了我和姐姐的關係？

為什麼要讓我和姐姐誤會全都是巧合，這分明就是詐騙！

也許阿軒說得沒錯，我未必會收下他送的禮物，而且要是一早知道會見到他，我也肯定不會出來見面。

經過這次見面，我不單無法否認自己對他產生了好奇，而且那個來電更令我感覺到被愛。

可是，當我知道這次見面都是被安排的，我馬上又對這男生反感了。

難道這都是神的考驗嗎？

這樣的話，我情願不談戀愛了。