求神畀我出一次Pool，點知畀埋個偶像男朋友我: 24

「阿妹，對唔住啊。」

「做咩？」

「今日好似忽略咗你咁。」

我沒有說話，只顧看著光碟發呆。

「嗰時仲突然落大雨，不過好在我出門前擺我把遮落你個袋度，你有用啊嘛？」



我從手袋中果然找到姐姐的雨傘。

「咁你點算啊？」

「我以為Richard有帶遮，結果佢無，其他兩個男仔又無，咪一齊做落湯雞。」

「原來係咁。」

我突然想到阿軒的好，在於他明明都有淋雨，卻只顧關心我有沒有雨傘。



「咁你最後無用我把遮？」

我點點頭。

「唉，傻妹，咁你有無食野？」

我的肚子剛好咕咕作響。

「真係呢！等我煮個麵你啦。」



「家姐世一！Yeah！」

原來姐姐根本沒有因為Richard而忘記我，我的悶氣自然都消散了。

只是，我擔心的是Richard有能力照顧姐姐嗎？

他還是學生，比姐姐還要年輕呢……