求神畀我出一次Pool，點知畀埋個偶像男朋友我: 28

束了條馬尾的我，上身運動上衣、下身瑜伽褲，來到了宿舍健身室。

「喂，著得幾型啵。」他說。

他僅穿背心短褲，健碩身材難掩，而右手戴著護腕帶。

「痴線，快啲答我今日條問題啦！」我無奈地說。

我們在鏡面前拉筋。



「其實你自己答咗自己。」他望著鏡裡的我說話。

「下，咩意思？」

「你問我去唔去阿軒屋企補習好啊嘛？」

「咩啊，係我朋友去唔去阿軒度啊… …唉，我唔扮喇！你繼續！」

陳浩賢冷笑一下，繼續說：「你如果為錢，或者真係鍾意阿軒，你就諗都唔諗話想去，但如果動機唔大，例如你對阿軒無咩感覺，咁自然會唔想去。」



「咁咩自己答咗自己？」

「即係好似今日咁，我唔使做啲咩，你自然都會嚟。」

「超，我以為你咁多經驗，會有啲咩獨到見解，原來都係啲鬼唔知阿媽係女人嘅道理。」

「我覺得你唔清楚對阿軒嘅感覺。」

一想到阿軒的窩心來電、紳士風度，是一眾男生中的「荀盤」，我怎會不喜歡他呢？



更何況我是多想談戀愛......

「其實我對阿軒有好感㗎。」

「咁點解你要考慮？」他不再看著鏡裡的我，而是轉頭看著我。

「我… …覺得自己唔夠好，好似襯唔起佢。」我猶豫地看著鏡中的自己。

「係咩，佢係好仔，又唔愁無女追，但似乎佢鍾意你多啲啵？」

「係嘅，但我怕佢三分鐘熱度。」

「佢鍾意一個人就會對佢好認真，你應該都feel到㗎啦。」

他認真說話的態度讓我有點懷疑他的性取向。



「係，但……」

「你搞清楚咩叫鍾意先啦。」

「那都是很好很好的，可是我偏不喜歡。」他補充。

我知道那是金庸筆下的主角所說的。

我鼓起腮說不出話兒，便走向跑步機那邊，但我根本不懂用跑步機。

「哈哈，一睇你就知無用過跑步機。」

看著他輕笑的樣子幫我設定，我回想起聖誕節那天，他把我謊稱有男朋友的事宣告於眾人當中，令我丟臉。



對，我想起了！這就是我答應來的目的。今天是我報仇的大日子。

我決定要在充滿學生的宿舍健身室大喊：「下，你叫雞？」