求神畀我出一次Pool，點知畀埋個偶像男朋友我: 36

「話說我今朝咪話有緊要嘢同你講嘅。」他突然凝重地看著我說。

「哦。」我跟著他伸展手臂。

其實我並不記得。

「呢件事我一開始都唔信，但我fact check過先夠膽話你聽。」他盯著我說，讓我有點不舒服。

「講啦，婆媽！」我扭著腰說。



「你上個月咪話補習社唔續你約嘅？」他說。

「嗯。」我點點頭。

「原來間補習社老闆係我以前嘅鋼琴老師。我最近先知當時佢炒你其實係迫不得已，因為佢得罪咗個神秘組織女人！」他在我耳邊放輕聲線說。

「神秘組織？」

「神盾局定FBI？」我忍不住笑說。



我心想：屌！我會信你呢個痴線佬？

我這種與世無爭的女孩，身邊就只有姐姐和一班不喜歡我的男生，怎會突然得罪了神秘組織的女人？

他大抵又在捉弄我吧。

「你點先信我？」

「證據呢？」我笑著說。



「我有！」

陳浩賢馬上用手機顯示出一張張女人的照片，但她們都面目全非，不是剪成禿頭，就是皮膚出紅粒。

我認得她們。

她們便是那間補習社的導師。

突然，我感到毛骨悚然。

他並不可能找到她們的照片，還有空改圖。

「你應該識佢哋啦，有啲喺條街無啦啦俾人剃到成個尼姑咁，有啲就俾人兜臉灑辣椒粉。」他說。

「佢哋共通點都係有人鍾意，照我哋推斷應該係個神秘組織女人好唔抵得人幸福，再加上你老闆成日唱佢無人要，所以佢出啲卑鄙手段，要你老闆以後無女員工用！」



「咁點解我而家仲未有事嘅？」我還是抱著半信半疑的態度。

「你而家無事可能因為佢哋未查到鍾意你嘅人！」

雖然陳浩賢所說的荒謬至極，但有些事證據確鑿，我不得不相信。

「哦......唔怪得上天唔俾我出pool啦。」

我想了想，感覺怪怪的。

「唔係啵.......阿軒！！」