求神畀我出一次Pool，點知畀埋個偶像男朋友我: 38

「喂！」在回家的路途上，陳浩賢把我拉到行人路的中間，自己走到靠近馬路旁的位置。

「你又唔使咁誇張啊嘛，斷估未去到開車撞人掛。」

「你點知啫！下下俾你估到咩？」他如常地挖苦我。

走著走著，迎面而來一位健碩的男士向我遞了一張傳單，說：「小姐，有無興趣做gym呢，我哋……」

「唔使！」



他話未說完，陳浩賢就兇狠地說。

「哇，睇唔出你對人咁惡㗎啵。」我也被他嚇了一下。

「唔通好似你企定定聽佢廢噏咩？你係咪成日俾人搵笨個啲黎㗎！」他嘆了一口氣。

我無言以對，只是輕輕地搖頭。

否定的是自己。



的確，上年在街上被美容傳銷員說服下，我沒頭沒腦地參加了一次價值$500的美容療程。

最後皮膚不但沒有好轉，反而出現一些敏感反應。

「就算唔係，你都俾啲警覺性啦！你點知佢會唔會下一秒剃你個頭！」他作勢向我的頭抓了幾下。

「哇屌，唔好掂我啊！」我退開了幾尺。

「知驚就好！我都唔想一唔留神，就無咗兄弟個寶貝妹。」



看到他緊張說話的樣子，我又不自覺心動，笑了幾聲。

我突然幻想了一秒，我是愛蜜莉雅，他就是昴。