求神畀我出一次Pool，點知畀埋個偶像男朋友我: 60

「Hey，咩星座㗎你～」準備入睡時，我收到BU的訊息。

「星座撚？喺你IG post下面唱你先～～」我故意逗他說。

「哼，咁我都出post唱你食十次檸檬囉。」

他居然把我最介意的事當作笑柄，過份！

「喂呀，唔準！！」



「咁答我。」他堅定說。

「唔答，吹咩？」我直覺他不會出賣我。

「吹你唔漲，屎忽漏氣啊～」

如朋友般胡鬧過後，他突然沒再回應我，不過我早已習慣他神出鬼沒。

先睡吧。



「鈴鈴鈴」電話響起，是Richard的來電。

「絲絲，你家姐……」Richard心急如焚地說：「你家姐出事啊，快啲嚟醫院！」

「咩事啊？你唔係會好好保護我家姐嘅咩？」我腦海中突然浮現和姐姐每年在聖誕嘉年華時的走馬燈。

「對唔住啊，真係對唔住啊，你快啲過嚟先啦……」他邊抽泣邊說。

嘟嘟嘟……



空洞的電話聲下，我的腦海徒有一片空白，馬上換衣服出門，趕到醫院。

神啊，什麼都可以收走，唯獨不能是姐姐！

「Richard，家姐點樣啊？」

在手術室門外，我只見Richard抱著頭，旁邊則坐著阿軒和陳浩賢。

「晴兒喺入面……」他抬頭看著我，抽泣地說。

「究竟家姐頭先發生咩事？？？講清楚啲啦。」

「我今日同佢收工，諗住行返宿舍嗰時，突然有幾個白色衫嘅人攞住樽嘢衝埋黎。我即刻拉住晴兒調頭跑，點知俾佢哋包抄，之後佢地問咗句嘢就想成支嘢倒落佢塊臉度，我本能反應用手去擋啦。」

他望一望包紮著的手臂，續說。



「點知......晴兒下一秒尖叫，訓咗喺地，原來佢塊臉都中到……」Richard哽咽說。

「咁姐係點？佢而家點？？？」Richard沒有回答，只顧抱頭痛哭。

眼見Richard內疚的樣子，我無法再怪責他，更何況他也自身難保。

阿軒補充：「晴兒而家做緊手術，好大機會毀容……」

我一聽到毀容這個字，開始放聲大哭。

不不，不應該是我姐姐遭殃的。

她只有22歲，善解人意，又能吃苦，中學畢業後辛勤工作，供養我讀書如父母，又有疼愛她的男朋友。



怎麼可能發生在她身上？

「我哋兩個都有責任。」陳浩賢拉我衣袖到一邊說。