求神畀我出一次Pool，點知畀埋個偶像男朋友我: 62

時針不停旋轉，臉上的眼淚乾透，手術室門卻還是亮起紅燈。

我心裡默禱，姐姐一定會好。

「絲絲、阿軒，我去買啲野飲俾你地，一陣返。」Richard眼皮浮腫向著我們說。

沒想過平時樂天知命的Richard會有垂頭喪氣的時候。

「定係我去？」阿軒站起來說。



「唔駛擔心，我想順便兜個圈，有消息call我。」

「ok。」

四周只剩下我和阿軒，我決定開口說話，分散注意力。

「你最近幾好啊嘛？」我問時鐘。

「都係咁，你呢？」阿軒答。



「都係咁。」我續問：「你係咪知......」

「我知。我後尾忍唔住問佢就知你地無一齊。」他搶著答。

「我都知點解你要咁做。」

「你想我死心，哈哈。」聽出他在強顏歡笑，我卻無法反駁。

「不過，唔緊要㗎，我知我份人悶，只係我唔抵得陳浩賢有得同你一齊都唔珍惜。」



「你誤會喇。」

我告訴了他整件事的來龍去脈，讓他知道陳浩賢以前送我回家只是為了保護我和阿軒，而非其他意思。

「唉，我一直無喺你身邊為你做任何嘢。」他又說：「所以佢無hurt過你？我一直以為佢拒絕你。」

「我都唔鍾意佢，點會care佢有無hurt我......」我猶豫地說。

我口裡這樣說，心裏卻很清楚期待他訊息的那個女孩是度日如年。

「只係你喺hall見到我嗰日開始，佢同我已經再無關係。」

「原來係咁，點都好，你有咩事我都好想為你分擔，我雖然無佢咁大隻，但我都夠揪㗎！」他展示出二頭肌，果然是深藏不露。

「哈哈，多謝你，但你唔試下搵其他女仔？」我由衷問。



「你唔好咁講啦，我唔會咁做。」他傻笑說。

「我唔明你意思。」我說。

「我鍾意嘅係你，其他女仔就算幾好，都唔係你。」

「乜你唔知咩？」

他突然站起來擋著時鐘，向著我說。