求神畀我出一次Pool，點知畀埋個偶像男朋友我: 96

到達家後，我才發現阿軒的十數個未接來電。

唉，其實我都把話說得很清楚了。

回想過來，由衝動在一起到坦白說分開，雖則快過了三星期，但似乎都不及那三小時的通話般豐富。

我總是感覺到我和陳浩賢有說不完的話題，要不是我肚子餓和不好意思，我才不想掛線。

只是，他也這樣想嗎？他都兩度提出掛線了。



不過，既然他一知道童姐說我被阿軒糾纏時，他已經馬上致電「營救」我。

那代表他應該也挺在乎我吧？

「話說呢～」陳浩賢這時傳來Whatsapp訊息，剛好姐姐也煮好麵給我吃。

「想同你講聲sorry。」

「點解？」我邊吃麵邊打字。



「啱啱童童同我講佢偷聽到你同阿軒喺房講嘅嘢。」

不會吧，童姐聽到什麼了.....

她該不會把那些事告訴陳浩賢吧。

「佢無講你哋講咗咩，但佢有話阿軒對你講咗啲好似好侮辱性又大男人嘅說話，你先同佢講分手。」

「下，個小學雞咁八卦㗎......」我有點難為情，同時慶幸童姐沒有亂說話。



「又唔係嘅，如果唔係佢，我諗我一直都以為阿軒之前係俾人hurt。所以我之前成日煩你，叫你唔鍾意阿軒就唔好玩佢，呢個係我問題。」他向我坦白。

「我而家知多咗佢之前同ex啲嘢，原來佢嘅版本同童童八卦返黎嘅版本好大出入。」

出入？我只記得童童說過她哥哥的戀愛都只是維持幾個月。

「我唔係好明你意思。」

「佢好似唔再係初初我同Richard識嘅佢。點都好，而家你同佢了斷就ok。總之你有咩需要就話我聽啦。」

有需要就可以找他？

「唔係咁好嘅，煩到你，話曬你同fd去緊旅行～」我刻意這樣說。

「有咩所謂啵，我之前話錯你都要負返責任嘅，同埋我一個人去咋嘛。」



一個人？？所以他是一個人吃文字燒？

對了，文字燒是東京名物，其他國家好像不常出現。

「咁你而家喺邊啊？」我想確認一下。

「酒店房囉。」

「邊度酒店啊= =」

「不如你估下？= =」他學我表情符號時，我突然想起同樣是很久沒聯絡的BU。

「文字燒唔多地方有啵。」我大膽估計。



「識你咁耐，你終於醒少少喇.....」

他又在挖苦我！

「咩啵！即係你去咗東京？？？？」

「係啊～」

我馬上查看他的電話號碼，果然是日本電話區號+81，這也難怪他自稱日文有進步。

「為咗你囉，你日文咁叻，想勁過你啊嘛…..」他補充。

「我先唔信！！」

看來陳浩賢還是不折不扣的Player......



「笑死～話說你好似啱啱失戀㗎啵，可唔可以俾返啲失戀應有嘅反應呢？」

失戀反應？茶飯不思嗎？想念對方嗎？

我當然有！

「我喺離開你hall嗰晚咪開始有失戀反應囉！！！」我不自覺把心底話宣之於「手」，並手誤傳送給他。

GG！！！我正想刪除訊息，但都已經來不及。

「你認真？」他問。