「沈絲絲......你識我咁耐,其實你對我有咩感覺㗎?」面前的陳浩賢再次問我這條問題,只是不在宿舍裡,而是在舞台上帥氣地彈著吉他。

咦,台上的Richard呢?

沒有人,但怎麼還有鼓聲......

環顧四周,連我身旁的姐姐,還有其他觀眾通通突然消失了。

全場只剩下我和他兩人。



我思索著如何回應他:「我……我……你知㗎。」

我都說過我很喜歡你,喜歡得想要變成你口中那個深愛的人。

「傻妹,睇你有無變咋嘛。」他調皮說。

「車,咁你呢?」我害羞地問。

「你知唔知我一直搵緊你啊?」



「嗯?」我不懂他的意思。

「我搵咗你真係好耐好耐喇,無諗過你原來就喺我身邊,一直守護緊我。」

我有守護過你?

「當我察覺你就係outofthepool嘅時候,我真係唔識形容自己嘅興奮,之前仲以為自己咁花心,鍾意緊兩個人。」

「真嘅?我都有咁諗過!但我而家真係好怕其他人嘅目光,好怕人地覺得我高攀你唔起。」我抬頭望著舞台上閃耀的他。



他二話不說捧著吉他從舞台跳下來,站在我面前說:「唔緊要,咁我落黎陪你咪得囉。」

這時,場內奇怪地出現歡呼聲,但我還是見不到其他人。

「我值得你咁做?」我不是對他沒有信心,而是我怕自己無法給他偶像應有的愛。

「你啊,蠢到死,知唔知由我第一日識你,無論係網上定真人,我已經覺得世界無咁Blue喇……」

我吞了一下口水,不可思議地望著他。

「你知唔知每次有你陪我做gym、搭叮叮、仲有送你返屋企,我心情就會自然好啊?」

「你又知唔知我每次為屋企、為音樂好唔開心,只要諗起你喺背後一直支持我,我就會重新振作啊?」

「真嘅?我咁蠢,你都咁需要我?」我再三質疑自己。



「係,我就係鍾意你嘅傻同埋你嘅善良。」

他連我的缺點都包容嗎?

「無論係幾時……無論係幾時……我都好想好想一直喺你身邊保護你。」

他在我面前第一次掉眼淚。

我不敢相信眼前的一切,只是又想笑又想哭。

「沈絲絲,你願意俾機會我,一齊感受呢一切嘅美好同荒誕,一齊對抗呢個世界嗎?」我聽到後,心裡馬上抖震說好。

「I love you!」説罷,他的眼淚更是誇張地止不住流,我知道那些都是真心話。



「啊——BU喊緊啊!」後面的迷妹們突然大喊。

「佢啲眼淚隔著面罩都滴到落地下啊!!!」

「我唔識日文都心動啦~」後面有人碎碎唸。

「嗚嗚嗚……」身旁的姐姐又在默默流淚。

原來姐姐和大家一直都在。

眼前的陳浩賢仍在邊彈邊唱Be with you,後面的Richard也在打鼓。

所以,剛剛都是我的狂想,還自動把其他人消除……?

感じていたい 愛していたい



想要感受 想要去愛
あなたと生きてる今を

與你一起活著的今天
いつでも いつでも I love you

無論何時 無論何時 I love you

不,我明白了!今次絕對不是狂想!

那是陳浩賢憑歌寄意,用我最喜愛的歌詞向我表明心跡了。