我相信Carrie係有同梵高一樣咁高端嘅聯感,如果唔係,佢點可能將平時無人睇到、無人feel到嘅嘢當係實實在在發生過咁通通變成佢所想像嘅真實。Carrie大致上將每一個同佢講過多過三句、send過message俾佢、一齊行返學又或者係食過飯嘅男仔都成為target。呀唔係,係on the list,即係放入佢嘅獨有guest list。每個都成為佢嘅刀下亡魂。佢首先會周圍同人講嗰啲男仔通通都追緊佢。人哋可能只係問句聽日駛唔駛返學咋,佢就認為人哋係搵話題DM佢。上堂好Q悶事旦搵人傾計,佢就會將呢個行為視為係咁撩佢講野。喺返學嘅路途撞到仲大獲,佢以為佢有心同佢兩個人相處一段漫漫長路。我其實好想屌出聲,喂呀,唔好咁癩啦,唔同我撞到你又扮睇唔到咩。最慘係同一大班人一齊食飯而你咁岩坐咗喺佢隨離嗰隻,佢真係真心當你刻意搵機會埋佢身,唔係講笑。而有咩係慘得過我,因為我全部都中晒呀。最重要係我俾其他人中多個特別號碼:我送過佢返屋企。

我而家知錯喇媽咪。

事後嘅我,今時今日嘅我,真係真心覺得係佢送蹶氹俾我踩。咪就係一班人食完飯,我坐佢隨離,佢叫我順手送佢番屋企。我見食到好撚飽咪陪佢行當散步,walk her home囉,好小事咋嘛。點知,第二日grad din佢就當咗自己係我女朋友,重好明顯咁周圍同人明示暗示我地係一對情侶。For god sake,救我呀。

最後,年少嘅我唔抵得住一時衝動。我喺大家面前好認真咁講:「我無諗過,亦無打算追你。」結果Carrie當場爆喊,我亦成為大時大節整喊人嘅仆街。我嗰屆嘅grad din,就係咁樣俾我搞彎咗,真係so99y。咁有紀念價值嘅事我當然無法忘記,而我都知道我知道呢個世界明眼人好多,我唔會在乎佢係咪喊到七情上面,又係唔係真係俾我嘅解釋hurt到,我剩係在乎大家嘅心理到底知唔知事情嘅真相。
我當時好明白大家係有責任叫安慰Carrie,叫佢唔好撚再喊。而我亦都從大家望住我,兼覺得我可憐又抵死嘅眼神之間同步得到安慰。因為,我諗大家都知道,嗰一個moment全世界最想喊嗰個其實係我。

俾Carrie呢種唔知咩叫愛情嘅人target咗,根本毫等於俾人寫咗個名係死亡筆記,即係你做咩都無辦法阻止外力嚟KO你名譽嘅呢個命運。甚至喺後來,你會變成追唔到女而亂鳩咁吠唔認清嘅仆街。



我真係覺得我好撚失敗。呢種唔知咩叫愛情嘅人,竟然都俾我快一步搵到佢嘅終身伴侶;我真心覺得我double失敗。而我覺得最厲害既係,佢竟然打算用新嘅回憶去cover舊嘅回憶,用今日嘅我去戰勝尋日嘅我揀返同一個地點擺酒。呢超真係高手。

「我真係好撚失敗。」呢七字真言成為我今日嘅重點。我仍然係一個無女令我想有結婚衝動嘅孤獨可憐蟲。不過,我發誓,我而家去訓覺先,而訓醒嘅聽日,我一定企返起身。
已有 0 人追稿