[穿越][愛情][校園]重回青春時尋找當年失去的愛情: 老師的叮囑

在以後的日子裡我陪着小彤都是愉快地過我們的校園生活，雖然戀人未滿，但是已經是朋友之上。

中二大考之後

「啊，終於考完試啦，彤彤你覺得我哋今次考試啲題目難唔難？考完試終於可以去輕鬆一下啦。」我考完試之後在試場門外伸一伸懶腰跟小彤說。

「緊係唔難啦，對我嚟講簡直係易如反掌。」小彤拍著她的胸口，胸有成竹地說。

「同埋點解你又叫我彤彤架，成日提你都改唔到口，哼，唔理你啦。」小彤彷彿記起我剛才說話中的稱呼，有點臉紅翹著手轉身不理我。



「喂，唔好嬲啦，好啦我叫返你做小彤好冇？」我搖着小彤的手臂，但她依然不理會我。

「張俊宇、楊小彤，好彩你哋仲係度，老師有事搵你哋兩個。」突然有人叫我和小彤的名字。

小彤立即不理睬我，跑向聲音來源嘅位置。

「老師你搵我哋有事？」小彤問，原來是李老師的聲音。

「係咁嘅，我見今日終於考完試，而下兩個禮拜就差唔多到暑假，所以我同學校申請左諗住係暑假開始之前嗰日組織一次班會活動，你哋諗下我哋應該去咩地方同埋做啲咩好啦。」李老師說



「好呀，我返去同彤彤一齊商量下。」我答

「好啦，阿俊我有啲野同你講，小彤你去學校門口等阿俊先啦。」李老師說。

小彤聽到後就走向學校門口。

「阿俊，老師唔反對拍拖，但希望唔好係學校入面同女朋友太過親密。」李老師娓娓道來。

「老師唔係你諗咁架，我同彤彤唔係嗰種關係，只係⋯⋯」我有點尷尬地解釋。



「得啦，老師都曾經係過來人，點會唔明？」李老師奸笑著拍着我的肩膀

「老師冇話唔準你哋拍拖，只係唔好係學校太過明顯，老師知你哋兩個成績好，唔會影響到學習，但係係驚其他同學會受到你哋影響。」李老師說

「老師，我哋真係⋯⋯」我想解釋我和小彤的關係。

「得啦，老師明嘅，老師仲要去改卷，下次再講，好啦，快啲去搵小彤啦，唔好要佢等咁耐。」李老師說完就急步離開了。

「老師真係⋯⋯」我不禁苦笑一聲。

我一出到校門外發現小彤不在，難道她已經回家了？

「彤彤⋯⋯彤彤⋯⋯」我叫着小彤的名字嘗試得到回應。

「喂，我係度。」小彤拍一拍我左邊的肩膀卻跳向右邊。



「車，嚇死人咩，我仲以為你走左。」我拍一拍小彤的頭。

「好痛呀，頭先老師同你講咩？」小彤撫摸着被我拍的位置。

「冇呀⋯⋯冇講啲咩⋯⋯」我不敢正視著小彤的眼睛說。

「真係冇，你係咪有啲嘢瞞住我？」小彤說完後眼泛淚光。

「冇呀。」我見到這樣急忙向小彤解釋。

「係老師叫我哋係學校拍拖唔好太親密，驚影響其他人⋯⋯」我一邊說一邊觀察着小彤的反應。

「車仲以為有咩事，邊個同你拍拖呀？」小彤聽到好像放下了心頭大石，隨即臉色紅潤，粉拳亦捶打在我身上。



「都係你啦成日叫人彤彤，搞到人哋誤會。」小彤的粉拳繼續捶在我身上。

「咁我叫慣咗，一時之間改唔到口嘛。」我捉着小彤的雙手解釋道。

「算啦，你想叫都得，不過冇乜人係度個陣先咁叫我⋯⋯」小彤有點害羞越說越小聲。

「真架，彤彤？」我驚訝地說

「係呀，唔好咁大聲啦。」小彤好像覺得我說得太大聲，有點生氣擰着我腰間的軟肉。

「得啦，既然我哋考完試不如睇場戲放鬆下。」我提議道

「好呀，我請你睇戲呀。」小彤有點開心說

「嗯，我冇咩特別戲想睇。」我思考道。



「咁我哋食完飯，去睇下戲院有咩戲睇？」小彤提議說。

「好呀。」