[穿越][愛情][校園]重回青春時尋找當年失去的愛情: 接受Alan的挑戰

我返回課室之後，看見Alan那得意洋洋的樣子，向我投以嘲諷的眼神，不禁握緊了手中的拳頭。

我看到小彤的位置只有一張空的椅子，小彤應該還未回到學校。

十分鐘之後，我看見小彤終於回來了。

「小彤，早⋯⋯」我上前向小彤熱情地打招呼，但她卻在我面前直接走過，並沒有理會我。

「小彤，你真係嬲左我？」我趁她坐回座位時拉著她。



「哼。」小彤撥開我的手不理睬我。

「唉，都係唔好搵彤彤住。」我無奈地放棄與小彤說話。

小息時候，小彤很快就離開了課室，令我想和小彤說話的機會都沒有。

「喂，阿俊你同小彤搞咩嚟啊？」阿明見我悶悶不樂過來拍一拍我的肩膀。

「冇嘢啊，我激嬲左小彤姐。」我心裡想著有甚麼辦法可以令小彤原諒我。



「唔緊要啦，女仔係咁，係喎，之前聽你講過下話想入學校嘅足球隊，結果點？」我之前曾經詢問阿明有關如何申請加入學校足球隊。

「冇啊，出現左啲意外，今日交唔切份申請，要等下次招人。」我沒精打采地說。

「咁慘，唔緊要我幫你入就得。」阿明拍著胸口自信地說。

「係喎，我都唔記得咗你係足球隊嘅成員之一，但係你可以點幫我？」我記起阿明也是足球隊成員。

「你唔使理，總之你聽日放學之後準時去球場練波就得啦。」阿明滿懷信心地說。



「好啦，咁唔該曬你先。」

小彤在小息即將完結時才返回課室，我想了一個辦法和她溝通，於是我寫了一張字條。
我寫完之後就拋紙條到小彤座位的抽屜內，我看見她幾分鐘後找東西時，發現那張紙條，看了一陣子後在紙條上面寫了一些字，然後拋給我就專心上課了。

我打開紙條一看，紙條上寫着：
「雖然彤彤口講話未原諒我，但係佢肯應我證明佢都唔算係好嬲我，算啦都係聽日練完波再氹番佢。」我心裡盤算着。

翌日放學後，我到了阿明昨天晚上在WhatsApp 給我的球場地址，看見阿明與足球隊的其他人在訓練。

「阿俊你終於嚟啦，我搞掂啦，教練話你可以入嚟一齊踢波，所以你而家已經係足球隊嘅成員啦。」阿明指着那邊穿着紅色體育服正在監督其他人訓練的人。

「不過阿俊啊，因為我哋足球隊入面咁啱差一個前鋒，所以你之後係學界主要係打前鋒，有冇問題？」阿明繼續說。

「我有得打比賽？但係我今日先開始第一次踢波喎。」我還記得當年的我除了打遊戲機就是在家裡看動漫，甚少做運動。



「你得嘅，況且仲有幾個月先打學界，大把時間畀你慢慢練。」阿明拍着我的肩膀鼓勵我

「好啦。」我之後亦換上球衣和球鞋加入球隊的練習。

沒多久之後，Alan來到球場，他看到我在這裡好像很驚訝的樣子，但也裝作若無其事加入我們的訓練。

「教練，我有嘢想問。」Alan在休息期間突然說話。

「Alan你想問咩？」

「點解張俊宇會係度嘅？我記得佢唔係足球隊成員嚟㗎喎。」Alan指着我質問教練

「哦，阿俊係劉sir介紹過嚟，聽劉sir講話係阿明推薦過嚟，咁我就信阿明嘅眼光啦，反正我哋而家缺一個前鋒。」原來是阿明幫忙推薦我進來，我頓時向阿明投以感激的眼神，阿明向我點頭示意。



「咁樣唔啱規矩喎，同埋都唔知係咪真係有料，計我話陣間分兩隊踢，如果我個隊輸咗就無嘢好講，但係阿俊個隊輸咗，唔該阿俊自己執包袱走人。」Alan對着我說。

「咁樣啊⋯⋯」教練面有難色。

「唔緊要啊教練，我接受Alan呢個挑戰。」為了小彤，我不可以遇到困難就放棄。

「咁好啦。」

教練將所有人分成兩隊，每隊十一人，阿明和我在同一隊。

「點解小彤仲未嚟㗎？」我看著球場的出入口。

「係喎我唔記得咗話俾小彤聽我係邊個球場練波，唔知佢識唔識嚟呢？」我昨天忘記了告訴小彤。

「阿俊你有冇信心？你今日先第一次練波，Alan都幾勁下。」阿明在比賽開始之前問我。



「都有信心嘅⋯⋯」當然我心裡還是有點害怕輸了比賽後要被逼退出足球隊。

「如果彤彤可以係度支持下我就好啦。」我心裡期盼着。

與此同時，有兩個女生在球場外。

「快啲行啦，阿俊就嚟練完波。」第一個女生拉著第二個女生急步地走。

「車，頭先叫你嚟又推三阻四，而家又咁緊張。」第二個女生有點埋怨。