[穿越][愛情][校園]重回青春時尋找當年失去的愛情: 兩全其美的方法？

在這幾日時間，小彤和阿晴都不約而同沒有和我說話，彷彿在給我空間和時間去決定要幫誰。

直到星期五早上，我就看見小彤和阿晴分別在學生會候選內閣一和候選內閣二站台呼籲同學支持，看來她們加入了兩個不同的學生會候選內閣。

我走進課室並在我的座位坐下時，有人叫着我的名字，原來是阿明在班房外找我。

「阿俊，近排點啊，好耐冇同你打機。」

「係啊，呢排有啲忙呀嘛。」我突然想到了一個好主意。



「阿明啊，你幫我一樣野得唔得？」

「做咩啊？」

「你幫我手去同阿晴參加學生會得唔得？」

「吓，你自己點解唔去幫？」

「因為我要幫小彤，所以唔可以好明顯咁幫阿晴。」



「咁樣啊⋯⋯」阿明思量了許久。「好啦，不過你可唔可以搵時間幫我補下習？最近數學唔係幾跟得上。」阿明向我提出這個交易。

「得啦，冇問題，咁一於係咁話，我教你做數，你去幫阿晴手，如果有咩問題，你再私底下搵我，唔好俾小彤知就得啦，連阿欣都唔講得啊。」

我怕以小彤和阿欣的關係，讓阿欣知道等於讓小彤知道，若然讓小彤知道我會偷偷地幫阿晴恐怕要花很多時間去哄回小彤。

「好，我會。」阿明做了一個會閉嘴的手勢，然而我仍不太放心。

隔了一會，小彤和阿晴就回到課室，而她們亦走過來問我決定得如何。



「阿俊你決定成點啊？」小彤問我，而阿晴亦在旁邊靜靜地看著我彷彿正期待著我的回答。

「Er⋯⋯」我正猶豫要不要把我心中的決定說出來。

「你仲未諗好？」阿晴終於忍不住開聲問我。

「阿晴呀，對唔住，我決定去幫小彤。」我拖起小彤的手，示意我站在小彤那一邊支持她。

「阿俊你⋯⋯」小彤看着我的臉，卻也抓緊我的手，而阿晴的眼眶裏有淚珠在滾動，好像快要流出來。

「阿晴啊，我搵左我嘅好朋友阿明幫你手，你有咩困難可以去B班搵佢。」

「唔緊要啦，我尊重你嘅決定，我仲要去幫下手，唔阻你哋。」阿晴說完後就跑着離開了。

「喂你仲望住佢做咩？」小彤見我呆呆地看著阿晴的背影感到有點生氣。



「阿晴始終係我嘅好朋友，咁樣對佢好似有啲⋯⋯」

「你咪搵咗阿明去幫佢，咁你怕佢唔開心咪去追返佢囉。」小彤生着氣想把我的手甩開。

「我講錯嘢姐，你唔好嬲啦。」我抓緊她的手不讓她放開，而小彤也默不作聲地任由我拖著。

過了一會小彤才開口說話。

「小宇啊！」

「嗯？」

「多謝你幫我。」



「我幫你係應份嘅。」

「點解啊？我同阿晴係你心目中有咩唔同？」小彤突然之間提出這個問題。

「我⋯⋯我唔講住啦，你同我落去報咗名先啦。」我拉著小彤的手就去報名。

小彤用失望的眼神看著我，然而我卻察覺不到。

報名程序完成後，我正式加入了候選內閣一成為閣員之一，而主席亦分派了負責撰寫大綱和學生福利方面的工作給我和小彤處理。

「咁多位成員，兩個禮拜後就係學生會選舉嘅投票日，大家除咗要呼籲下同學支持之外，亦都要負責做好自己嘅崗位，咁同學就會覺得我哋真係幫到佢哋同埋成為到佢哋同學校之間溝通嘅橋梁。」

「好。」我們全部人都眾志成城，而我和小彤也不例外。

「大家加油，今日係咁多，大家可以放學啦。」



「小宇，我哋一定唔可以輸比阿晴。」

「你真係⋯⋯做咩成日都諗住要同阿晴鬥？」我敲敲她的頭。

「哼，你嗰傻仔唔明㗎啦⋯⋯」小彤小聲地喃喃自語。

「你講咩啊？太細聲我聽唔到。」

「冇嘢啊，我話我決定咗我哋去到選舉日之前都要留係圖書館諗下點寫政綱，順便可以溫下書。」

「吓唔好啦掛，我仲要練波⋯⋯」雖然有得和小彤多些時間一起，但是也太無聊吧，加上足球隊有時也有練習。

「你講咩話？」小彤捏著我的大腿說。



「冇嘢，當我冇講過。」看來我只好向足球隊請假。

於是在這兩個星期每天放學我和小彤都留在圖書館一起溫習和撰寫政綱，而阿明間中私底下也有找我提供意見給他和阿晴，他們正負責著關於學生會的一些康樂活動工作。