[穿越][愛情][校園]重回青春時尋找當年失去的愛情: 回到現代？

「咦，小彤你做咩唔講嘢嘅？」我抱着小彤的身體抬起頭卻發現竟然不是她。

「天使彤？點解你會喺度嘅？」我抬頭一看發現來人原來不是小彤而是天使彤。

「你問下你自己今日做過啲咩嚟？」天使彤沒有了平常的那種嬌嫃的語氣，留下的只有一種冷漠無情的感覺。

「我⋯⋯」我猜測到天使彤應該是說今天的事。

「係佢錫埋嚟，我先⋯⋯」我試圖解釋著。



「佢錫埋嚟你唔識避開嘅咩？同埋既然你唔係為左佢而攞冠軍點解唔同佢講清楚呀？」

「我⋯⋯」我無法反駁。

「咁而家點算好？小彤係咪真係會唔理我？」

「你記唔記得我之前同你講過啲咩？」

「我⋯⋯」我心裡突然冒起一陣不祥的預感。



「你要帶我返去現代？」我剛才正正就是想起了之前天使彤說的話。

『如果小彤心情非常差或者你hurt到佢，我就會出現，之後可能帶返你返去現實嘅時空架啦。』這句說話正正就是天使彤剛剛帶我來到這個世界說的其中一個要我遵守的條件。

「係。」如我所料，天使彤果然沒有否認她的想法。

「唔好啦。」我央求着天使彤。

「唔得，冇情講，我唔會再俾你傷害多小彤一次。」天使彤拉著我就想走。



「我有傷害過佢咩？」我正奇怪著為何天使彤會說我曾經傷害過她，天使彤卻突然避開話鋒。

「冇嘢呀，總之我就會帶你走。」

「既然係咁，可唔可以俾我見小彤最後一面？」看來這次是難以說服天使彤。

「咁樣呀⋯⋯」天使彤托著腮苦煞思量著。

「求下你。」我跪在地上哀求著天使彤。

「你起身啦，我應承你。」天使彤扶我起來並答應我。

天使彤之後拉著我一眨眼間就到了一間大屋，我認得這是小彤所住的地方。

「會唔會俾小彤嘅屋企人見到我哋㗎？」我在偷偷地走向小彤房間的過程中問天使彤。



「唔會，我用左隱身能力，小彤嘅屋企人係睇唔到我哋。」

聽到天使彤這樣說我也放下心來，當我們走到小彤房間的門前時卻聽到一陣哭泣聲。

「正衰人嚟㗎，以後都唔想再見到佢。」我和天使彤打開門縫偷看發現小彤正在床上捶著一樣東西抽泣著。

「吓，小彤原來將我哋係長洲嗰幅合照晒咗出嚟。」那張照片已經被小彤捶得傷痕累累。

看見這樣情景的我再也忍不住，欲衝進去安慰小彤時卻被一隻白晢的手臂抓著，我回頭一看正是天使彤怒氣沖沖地看著我

「我淨係應承俾你見佢最後一面，而家要走啦。」

「唔好呀！」天使彤不費吹灰之力就提著我走，而我和小彤哭泣聲的距離就越來越遠。



天使彤和我離開了小彤的屋子後隨即有一團白光包圍著我們，而我的意識也一下子消失了。
———
「先生？你有冇事呀？」有人將我拍醒。

我張開眼看是一個穿著制服的人員。

「咦呢度係邊度嚟？呢度唔係公園嚟㗎咩？點解變咗火車站嘅？」我記憶中的2020年這裡應該是公園，在我眼前卻變了一個火車站，而且經過列車的型號還是我未曾看見過。

「先生，呢度改咗做火車站十年以上啦喎。」那個穿著制服的人員奇怪地看著我。

「吓，今年係邊年？」我嘗試整理著自己的思緒。

「2040年囉。」那個穿著制服的人員輕描淡寫地告訴我。

「唔係掛，點解我會返咗嚟20年後㗎？」我嚇得立刻站起來。



「先生你講嘢古古怪怪咁嘅，唔同你講住，我去做嘢先。」

「點解會咁嘅？唔知小彤而家過成點呢？」我離開了火車站後漫無目的地走。

「咦點解我變成咁嘅？」我從街邊店舖櫥櫃的玻璃反射看見我的樣子老成了不少，整個人基本上與一個中年人士無誤。

正當我在仔細看清楚我的樣子，我卻發現一個似曾相識的臉孔在我身後走過。