[穿越][愛情][校園]重回青春時尋找當年失去的愛情: 陰謀詭計

「喂小彤你哋兩個琴日冇事呀嘛？」阿欣在午膳的時候問我們。

「我哋冇事呀。」我如實跟阿欣說出事情的經過，不過就忽略了我和小彤受傷的事。

「估唔到阿俊你咁勁，以後小彤跟住你就咩都唔使驚啦。」阿欣掩著嘴偷笑著。

「阿欣你唔好亂講嘢，邊個話以後都要跟住佢。」小彤輕輕捶打阿欣。

如此這般，過了幾個月後，我們都漸漸忘記這件事了。



「各位同學，考完試係咪好攰呢？」班主任在我們考完最後一科的那天問我們。

「係呀，老師！今次考試真係好難囉⋯⋯」我們班的同學埋怨聲四起。

「學校搞咗個活動俾中五全級同學去露營⋯⋯」老師還未說完就被班上同學打斷。

「好嘢！」「有得去露營！」

「喂你哋聽我講埋先，今次露營主要係三日兩夜，你哋到時帶定帳篷、睡袋、電筒嗰啲啦，詳細要帶咩都寫咗係通告上面，係咁多啦，可以放學。」老師說完後就離開了課室。



「彤彤呀，不如我哋放學一齊去買露營嗰啲嘢？」我走到小彤身邊。

「好⋯⋯」正當小彤想和我一起走時，阿晴卻走過來。

「阿俊，你放學可唔可以陪我去買露營嘅嘢？」阿晴無視著我身邊的小彤問我。

「我⋯⋯」我正想婉拒阿晴的時候，小彤卻做了一個我想不到的動作。

「唔好意思啊，阿俊已經應承左陪我去買，我哋行啦！」小彤突然拉著我的手離開了課室。



———
「阿俊！」我對著阿俊的背影叫喊著，可是他卻再也聽不到我的聲音。

「楊小彤你個賤女人！」我憤恨地說著。

「想唔想搶返阿俊返嚟？」一個熟悉的女生忽然在我耳邊說著。

「關你咩事呀黎楓芷？」這個女生就是黎楓芷，上次的事她最終只是受了重傷，在醫院住幾個月就出院。

「其實只要楊小彤永遠消失嘅話，阿俊咪會返嚟你身邊囉。」黎楓芷平靜地說著。

我遲疑了一下，接着問「到底你想點？」

「既然我哋有共同嘅敵人，不如我哋合作？」黎楓芷終於說出她的來意。



「你想點合作？」

「聽講今次露營有野外定向嘅活動，我諗住⋯⋯」黎楓芷在我耳邊說出她打算對付楊小彤的全盤計劃。

「被人揭穿左好大鑊㗎喎。」我擔心會牽連到我身上。

「驚咩姐？最多到時我揹鑊囉，如果佢返到嚟嘅話⋯⋯」我看著黎楓芷陰險地笑著感到一陣心寒。

———

另一邊廂⋯⋯

我一直牽著小彤纖纖玉手，不禁心猿意馬，連小彤牽著我到哪裏去也不知道。

「小宇呀，我哋去邊到買好？」小彤問我，我卻只是在傻笑沒有注意到她的話。



「小宇你笑咩？」小彤卻現在才注意到她還在牽著我的手，臉紅耳赤地瞬間就放開我的手。

「我知道附近有間賣露營用品嘅鋪頭，我帶你去啦。」我帶著小彤去買露營用品。

買完之後，我們之後就各自回家。

當我一回到家中卻發現天使彤不知道甚麼時候在我的房間裡坐着。

「你又會喺度嘅？」我問天使彤。

「我嚟係想提醒你一樣嘢。」天使彤嚴肅地說。

「咩事啊？」



「我感覺到今次露營活動可能有人想對小彤不利，你要小心啲睇實佢。」天使彤警惕著我。

「我會小心啲㗎啦⋯⋯咦你點知我哋去露營嘅？」我驚訝地問天使彤，同時收拾著露營用品。

「我點會唔知，你係呢個世界做咩我都知㗎嘛，唔同你講啦，總之你哋要小心啲啦。」天使彤「嗖」一聲又消失了。

「喂⋯⋯又咁快走左去。」天使彤離開後，我躺在床上心裡期待著露營那天快點來臨。


「鈴！鈴！」我關掉鬧鐘打算繼續睡覺。

沒多久後我的電話又響起來。

「邊個呀？」我不耐煩地說著。



「小宇你起身未呀？今日要去露營，你係咪唔記得咗？」小彤打來提醒我。

小彤的話令我如夢初醒，我急忙看看電話顯示的時間。

「仆街，再唔起身就遲到。」我心感不妙。

「彤彤，我而家起身啦，等陣再講。」我掛斷了電話匆忙梳洗一番，帶齊露營所需的用品就出發了。